«Ելք» դաշինքը խորհրդարանական ընտրություններում կարող է հավակնել ընդդիմադիր դաշինքի դերին։ Այս մասին Hayeli.am-ի հետ զրույցում ասաց քաղաքագետ Լեւոն Շիրինյանը։ Ինչ վերաբերում է ՀԱԿ-ին, արդյոք այն կարո՞ղ է հավակնել արմատական ընդդիմության թեկնածուին, քաղաքագետն ասաց․
«Լեւոն Տեր-Պետրոսյանի վերադարձն ու ցուցակը գլխավորելը կարող էր դրական դերակատարություն ունենալ, բայց երբ համագումարում ճառ ասեց՝ կոչ անելով հայրենիքը հանձնել թշնամուն․․․ Նրանք հինգերորդ շարասյունն են ձւավորում, անթույլատրելի է Կոնգրեսի ներկայությունը խորհրդարանում»։ Խոսելով «Հանրապետություն», «Լուսավոր Հայաստան» եւ «Քաղաքացիական պայմանագիր» կուսակցությունները կազմող «Ելք» դաշինքի մասին, քաղաքագետն ասաց, որ հաշվի առնելով այս ուժերի առաջնորդների կենսագրությունը, «պայմանական կարող են ընդդիմադիր համարվել»։
«Մի խումբն էլ կլինի իշխանությունից դուրս մնացածների «խմբակցությունը», որոնցից ամեն մեկը իշխանության մեջ եղել եւ հազար ու մի թելերով կապված են իշխանության հետ»,-ասաց Շիրինյանը՝ խոսելով Օսկանյան-Օհանյան դաշինքի մասին․ «Դրանցից ի՞նչ ընդդիմություն, ուղղակի որոշակի նեղացվածություն ունեն եւ իրենց մտքի մեջ գտնում են, որ շատ ավելի արժանի են իշխանության մեջ մնալու քան մնացածները»,-ասաց նա։
Ի դեպ, երեկ ԱԻՄ առաջնորդ Պարույր Հայրկյանը եւս հայտարարեց այդ դաշինքին միանալու մասին․
«Հայրիկյանին էլ մեջտեղ են բերել, որ ժողովրդի մոտ ընդդիմադիրի վիճակը կայանա, բայց վերջին շրջանում Հայրիկյանին ընդդիմադիր գործչից կարող ենք տեղափոխել ազգային գործիչ, որը վաղուց հանգստանում է։ Իսկ Օսկանյանի արտաքին քաղաքականությունն էլ հայտնի, Սեյրան Օհանյանի ռազմականն էլ, նրանցից փոփոխություն սպասել պետք չէ»։
Ինչ վերաբերում է «Ծառուկյան» դաշինքին քաղաքագետն ասաց, որ Գագիկ Ծառուկյանը չի լինի ընդդիմություն․
«Եթե Ծառուկյանն իր վրա վերցնի պարտականություն, որ իր շուրջը համախմբի ազգային բուրժուազիային, երկրի ներսում արտադրություն կազմակերպելու գործ դնի, գումարած այն ծրագրերը, որոնք անում է ու տարածվի իր կուսակցության վրա, մոդելի իմաստով մենք կունենանք ԱՄՆ-ի քաղաքական համակագի մի տարբերակը»,-ասաց Շիրինյանը։
Սեդա Ղուկասյան
Հոկտեմբերի 2-ին՝ ժամը 15։00-ին, Հայելի ակումբի հյուրն է Արամազդ Զաքարյանը
Հոկտեմբերի 2-ին՝ ժամը 12։00-ին, Հայելի ակումբի հյուրն է Արա Վարդանյանը
Հոկտեմբերի 2-ին՝ ժամը 14։00-ին, Հայելի ակումբի հյուրն է Խաչիկ Մանուկյանը
Հոկտեմբերի 2-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Հոկտեմբերի 1-ին՝ ժամը 15։00-ին, Հայելի ակումբի հյուրն է Գառնիկ Դանիելյանը
Հոկտեմբերի 1-ին՝ ժամը 16։00-ին, Հայելի ակումբի հյուրն է Կարինե Նալչաջյանը
Հոկտեմբերի 1-ին՝ ժամը 14։00-ին, Հայելի ակումբի հյուրն է Երվանդ Բոզոյանը
Հոկտեմբերի 1-ին՝ ժամը 13։00-ին, Հայելի ակումբի հյուրն է Հովհաննես Գալստյանը
Հոկտեմբերի 1-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Սեպտեմբերի 30-ին՝ ժամը 16։30-ին, Հայելի ակումբի հյուրն է Հայկ Նահապետյանը