ԵԽԽՎ-ում անդրադարձան Չինարիի մոտ դեկտեմբերին տեղի ունեցած դիվերսիային.Aravot.am

Եվրոպայի խորհրդի խորհրդարանական վեհաժողովի (ԵԽԽՎ) լիագումար նիստում ելույթով հանդես եկավ, այնուհետև պատվիրակների հարցերին պատասխանեց ԵԽ գլխավոր քարտուղար Թյորբորն Յագլանդը: Ադրբեջանի  պատվիրակ Ռաֆայել Հուսեյնովը բարձրացրեց դեկտեմբերի 29-ին զոհված ադրբեջանցի սպայի հարցը` իր խոսքերով իբր նա հայկական կողմի վայրագությունների զոհ է դարձել: ԵԽ գլխավոր քարտուղարին նա հարցրեց` ԵԽ-ն ի՞նչ լծակներ կարող է կիրառել հայկական կողմին պատասխանատվության ենթարկելու հարցում: Թյորբորն Յագլանդը պատասխանեց մոտավորապես այն ոճով, ինչ ոճով շաբաթներ առաջ այս հարցի վերաբերյալ հայտարարություն էր տարածել, որում իր մտահոգությունն էր հայտնել Հայաստանի և Ադրբեջանի սահմանին տեղի ունեցած միջադեպի վերաբերյալ: Հիշեցնենք, որ դեկտեմբերի 29-ին Տավուշի մարզի Չինարի գյուղի մոտ ադրբեջանական ուժերը ձեռնարկել էին դիվերսիոն ներթափանցման փորձ, ինչի հետևանքով զոհվել էր 3 հայ զինվոր: Ադրբեջանական կողմը, ըստ ՀՀ ՊՆ-ի, ունեցել էր 7 զոհ, ընդ որում զոհերից մեկի մարմինը մնացել է Հայաստանի տարածքում: Ամբողջական հոդվածը կարող եք կարդալ այս հասցեով՝ aravot.am-ում