«Ուկրաինայի և Վրաստանի տեղը ԵՄ-ում և ՆԱՏՕ-ում չէ». Ֆրանսուա Ֆիյոն
Ֆրանսիայի նախկին վարչապետ, երկրի նախագահի թեկնածու Ֆրանսուա Ֆիյոնը հարցազրույց է տվել Monde թերթին և դատապարտել է, այն երկրներին, որոնք ցանկանում են ՆԱՏՕ-ին Վրաստանի և Ուկրաինայի անդամակցությունը: Ինչպես հաղորդում է RIA Novosti-ն, նա «անպատասխանատու» Է համարել քաղաքական այն գործիչների հայտարարությունները, որոնք կոչ են անում՝ Կիևին եւ Թբիլիսիին անդամակցություն տրամադրել Հյուսիսատլանտյան դաշինքում և Եվրամիությունում: «Պարզապես հարկավոր Է ընդունել, որ Վրաստանը եւ Ուկրաինան կոչված չեն անդամակցելու ԵՄ-ին եւ ՆԱՏՕ-ին»,-ընդգծել Է նա: Ֆիյոնը հայտարարել է, որ Ռուսաստանի հետ հարաբերությունները ռազմավարական հարց է Եվրոպայի ապագայի համար և այդ հարաբերություններն անհրաժեշտ է վերականգնել. «Սա երկիր է, որը չունի ժողովրդավարական միտումներ, ունի միջուկային զենք։ Կա երկու տարբերակ․ կամ մենք փորձում ենք համաձայնություն ձեռք բերել Ռուսաստանի հետ կամ հակազդում ենք։ Ո՞վ կցանկանա հակամարտություն ունենալ Ռուսաստանի հետ»։
Հետևեք մեզ Viber-ում
