Հովիկ Աբրահամյանը մեկնել է , իսկ ՀՀԿ-ն ճշտում է

ՀՀԿ խորհրդի նիստից հետո  կուսակցության մամլո խոսնակ Էդուարդ Շարմազանովը հայտարարել է, որ Գործադիր մարմնի նիստը վարել է ՀՀԿ նախագահ Սերժ Սարգսյանը: Նիստում քննարկվել է ներկուսակցական, ներքաղաքական հարցեր, ԳՄ ներկայացուցիչները ներկայացրել են իրենց դիտարկումները քարոզարշավի ժամանակ կուսակցության ռազմավարության, համամասնական և ռեյտինգային թեկնածուների և քաղաքական այլ  խնդիրների վերաբերյալ: Քննարկվել է նաև  կուսակցության խորհրդի անդամների թեկնածուների հարցը, որոնց ընտրությունը տեղի է ունենալու  է հունվարի 26-ին  նախատեսված ՀՀԿ խորհրդի նիստում: Ըստ Շարմազանովի՝  նիստում չի քննարկվել, թե նախընտրական քարոզարշավի ընթացքում ով է գլխավորելու կուսակցության նախընտրական շտաբը և ով է գլխավորելու նախընտրական ցուցակը, ովքեր են լինելու առաջին երեք հոգին: «Ցուցակի հետ կապված հարց չի քննարկվել, դա կքննարկենք խորհրդի նիստից հետո, քարոզչական խումբը և շտաբի աշխատանքները սկսվել են, բայց չեն ավարտվել, մինչև փետրվար ամիսը կներկայացնենք շտաբի կառուցվածքը»,- նշել է  Շարմազանով: Լրագրողների հարցին պատասխանելով Շարմազոնովը  ասել է, որ  նիստին նախկին վարչապետ Հովիկ Աբրահամյանը չի մասնակցել: Թե ինչու չի մասնակցել ՝Շարմազամնովը չգիտի: Հիշեցնենք, որ Hayeli.am-ը տեղեկություն էր հրապարակել, որ նախկին վարչապետ Աբրահամյանը Հայաստանում չէ՝ նա մեկնել է Մոսկվա: Հնարավոր է, որ այնտեղ ոչ պաշտոնական  հանդիպում կազմակերպվի  ՌԴ վարչապետ  Մեդվեդևի հետ: Հովիկ Աբրահամյանի  ՀՀԿ ցուցակի առաջին հորիզոնականներում ներգրավվելու հարցը ներիշխանական հիմնական ինտրիգներից մեկն է: Աբրահամյանը վարչապետի պաշտոնին հրաժաշտ տալուղ հետո ՀՀԿ-ում  դիրքոային նահանջ է ունեցել, սակայն խնմաու՝ Գագիկ Ծառուկյանի քաղաքականություն վերադառնալուղ հետո  ենթադրվում էր, որ նրա ազդեցությունը նորից կկարևորվի՝  հավասարկշռությունը պահելու տեսանկյունից: Հովիկ Աբրահամյանը նախորդ  ընտրությունների ժամանակ ՀՀԿ ցուցակի առաջին եռյակում էր գտնվում: Բայց հիմա, հասկանալի է, իրավիճակը փոխվել է: Հաջորդ ինտրիգը վարչապետ Կարեն Կարապետյանի՝ ՀՀԿ ցուցակում լինել-չլինելու հարցն է. «Եթե պարզվի, որ վերջին տարիներին վարչապետի Հայաստանում չբնակության հարցը խնդիր է հանդիսանալու, ապա նա չի լինի կուսակցության համամասնական ցուցակում»,- հայտարարել է Շարմազանովը: Նույն բանը նախորդ շաբաթ հրավիրված ասուլիսի ժամանակ ասել էր նաև ինքը՝ վարչապետ Կարեն Կարապետյանը: Փաստորեն անցել է մոտ մի շաբաթ ժամանակ, իսկ իշխանությունները  մի Ժեկ-ի տեղականքի հարց էլ չեն կարողացել լուծել: Վարչապետի բնակության վայրում մշատապես ապրել-չապրելու հարցն իրականում պարզելու կարիք չունի՝ այդ հարցի պատասխանը պարզ էր ի սկզբանե: Կարեն Կարապետյանի՝ վերջին 4 տարվա մեջ Հայաստանում մշտական բնակության սկիզբը թերևս 2016 թվականի սեպտեմբերից  պետք է հաշվել, երբ նա նշանակվեց վարչապետ: Մինչ այդ Կարեպետյանը տարվա մեջ որոշակի օրերի հավանաբար եղել է Հայաստանում, բայց  վստահաբար դա չի բավարարի մշտականի չափանիշին: Քաղաքական խնդիրը սակայն ԺԵԿ-ի տեղականքի մեջ չէ: Ի վերջո՝ ժամանակին, երբ Ռոբերտ Քոչարյանը դառնում էր ՀՀ նախագահ, այդ պահանջը շատ գեղեցիկ շրջանցվեց: Եթե այժմ Կարեն Կարապետյանի դեպքում բնակության հարցը դարձել է քաղաքական խաղաքարտ,  կնշանակի կայացվել է  քաղաքական որոշում՝ քաղաքական  նպատկահարմարությունից ելնելով: Էդուարդ Շարմազանովն անդրադարձել է նաև Գագիկ Ծառուկյանի քաղաքականություն վերադառնալու փաստին ՝նշելով, որ  Ծառուկյանի վերադարձը ՀՀԿ-ի հաջողության ո՛չ շանսերն է պակասեցրել, ո՛չ էլ մարտավարության ու ռազմավարության մեջ փոփոխություն է մտցրել: «Իմ կարծիքները չեն փոխվել երևույթների մասին: Իմ կարծիքը կախված է գործչից, կախված է նրա գործունեությունից: Բոլոր այն գործիչները, ովքեր կիրականցնեն քաղաքական գործունեություն, քաղաքական մշակույթի, քաղաքական կուլտուրայի, քաղաքական կոռեկտության շրջանակներում, իմ կողմից կարժանանան միայն ու միայն հարգանքի՝ անկախ նրանից գործում են ընդդիմադիր, թե իշխանական դաշտում:Բոլոր այն քաղաքական գործիչները, ովքեր կգնան զոռբայության, ոչ կոռեկտության ճանապարհով, բնականաբար, իմ  կողմից կարժանանան ոչ դրական խոսքերի »,- ասել է ՀՀԿ խոսնակը: Այստեղ, իհրակե մեկնաբանելու բան առանձնապես չկա, որովհետև  Շարմազանովը հավնաբար լավ է հիշում, թե իրենց ողջ կուսակցությունը՝ նախագահի գլխավորությամբ ինչ գնհատականներ էր հնչեցնում Ծառուկյանի՝ քաղաքականության մեջ գտնվելու մասին: Պարզ է, որ և՛ այն ժամանակ և՛ այսօր ամեն ինչ արվում է  հրահանգաորված:Ներկակումս կա պայմանավորվածություն,  ասված է՝ կոռեկետ պահեք Ձեզ, պահում են:   Դավիթ Մանուկյան