Երեկվա համեմատ օդի ջերմաստիճանը Երևանում բարձրացել է 4-5 աստիճանով. Գագիկ Սուրենյան
«Հիդրոմետ» ծառայության օդերևութաբանության կենտրոնի պետ Գագիկ Սուրենյանը Facebook-ի իր էջում գրել է, որ երեկվա համեմատ օդի ջերմաստիճանը Արարատյան դաշտում և Երևանում բարձրացել է 4-5 աստիճանով: «Դրական տեղաշարժ նկատվում է: Այսօր 16:00-ին երեկվա նույն ժամի համեմատ օդի ջերմաստիճանի Արարատյան դաշտում և Երևանում բարձրացել է 4-5 աստիճանով: Եթե երեկ այս ժամին -8...-9 աստիճան էր, ապա այսօր -4...-5 աստիճան է: Իջևանում, Դիլիջանում, Օձունում, Վանաձորում, Արթիկում, Աշոցքում, Շորժայում, Հրազդանում, Ապարանում, Թալինում, Ծաղկահովտում տեղում է թույլ ձյուն» ,- գրել է Գագիկ Սուրենյանը:
Հետևեք մեզ Viber-ում
