«Բռնաբարության փորձի հետքով». մանրամասներ է հայտնում Կապանի գլխավոր բժիշկ Սմբատ Օրբելյանը
Այսօր ողջ մամուլը թնդում էր օրեր առաջ «Կապանի բժշկական կենտրոնում» տեղի ունեցած լուրերի շուրջ, իբրև թե բժիշկը փորձել է բռնաբարել հիվանդին: hayeli.am-ն այսօր զրուցել էր «Կապանի բժշկական կենտրոն» ՓԲԸ-ի տնօրեն Սմբատ Օրբելյանի հետ, որն իր զարմանքն էր հայտել և ասել, որ համացանցից է իմացել այդ մասին: Քիչ առաջ պարոն Օրբելյանը կապ հաստատեց մեզ հետ և նշեց որոշ մանրամասներ դեպքի հետ կապված: Տնօրենն ասաց, որ տվյալ աղջիկը իրենց հիվանդանոց է տեղափոխվել ինքնասպանության փորձ կատարելու հետեւանքով և հիվանդանոցում պառկել է չորս օր: «Աղջիկը բավականաչափ մեծ քանակությամբ դեղեր էր խմել, ասում էր, թե իրեն բռնաբարել են: Ի՞նչ եք կարծում, բռնաբարության համար ինքնասպանության փորձ կատարածին բերել են հիվանդանոց, ու նրա նկատմամբ հիմա էլ հիվանդանոցի բժի՞շկն է բռնաբարության փորձ անում»,- նկատեց նա: Սմբատ Օրբելյանի խոսքով բժիշկն այժմ գտնվում է հոգեպես շատ վատ վիճակում: Նշենք, որ բժիշկը երեկվանից գտնվում է ոստիկանական բաժանմունքում: Կատարվում է հետաքննություն:
Հետևեք մեզ Viber-ում
