«Սադրիչ գործողությունները պետք է պատասխան ստանան». Շավարշ Քոչարյան
ՀՀ փոխարտգործնախարար Շավարշ Քոչարյանը, այսօր լրագրողների հետ զրույցում խոսելով ադրբեջանական սադրիչ գործողություններից, ասաց, որ հայկական կողմն իր հույսն առաջին հերթին պետք է դնի իր ուժերի վրա:«Սադրիչ գործողությունները պետք է պատասխան ստանան: Այլ հարց է, որ ի տարբերություն Ադրբեջանի` հայկական երկու պետությունները իրոք չեն ձգտում լայնամասշտաբ պատերազմական գործողությունների վերսկսմանը: Մենք հավատարիմ ենք 1994 թ.-ին զինադադարի մասին եռակողմ փաստաթղթիկետերին, իսկ Ադրբեջանը փորձում է կամ ձևացնում է, որ փորձելու է խնդիրը լուծել ռազմական ճանապարհով: Դա չի նշանակում, որ մենք վախենում ենք, նշանակում է` մենք գտնում ենք, որ ճիշտ է հարցերը կարգավորել խաղաղ ճանապարհով», - նշեց ՀՀ փոխարտգործնախարարը:
Հետևեք մեզ Viber-ում
