Ամերիկայի ՁայնԺամեր են մնացել ԱՄՆ-ի 45-րդ նախագահի երդմնակալության համար: Նախագահի պաշտոնամուտի արարողություն, որն անցկացվում է արդեն 58-րդ անգամ: Իսկ մինչեւ արարողությունը Վաշինգոնն իհարկե զբաղված է հիմնականում անվտանգությունն ապահովելու աշխատանքներով:
ԱՄՆ-ի Կապիտոլիումի բլուրն ուրբաթ օրը կդառնա Ամերիկայի քաղաքական ամենամեծ բեմահարթակը:
Այս օրերին այստեղ շարունակ անցկացվում են Դոնալդ Թրամփի երդմնակալության ու պաշտոնամուտի արարողության փորձեր:
Փորձերին մասնակցում են դերասաններ, երգիչներ, ինչպես նաեւ բանակայիններ, որոնք շքերթով գալու են դեպի Կոնգրեսի շենքը, որի առջեւ է ավանդաբար անցկացվում արարողությունը:
Սակայն ամենամեծ հարցն իհարկե անվտանգությունն է: Ամեն ինչ պիտի արվի Ամերիկայի ժողովրդավարության ամենակարեւոր սկզբունքը` իշխանության խաղաղ փոխանցումն ապահովելու համար:
Իսկ այդ գործը սկսվում է պաշտոնը հանձնող նախագահի անվտանգությունն ուժեղացնելուց:
Ինչպես ԱՄՆ-ի գաղտնի ծառայությունից Բրայըն Էբերթն է ասում. “Իրավապահ մարմինների ու բանակային ուժերի հետ համագործակցությամբ, այս միջոցառման անվտանգությունն ապահովելը գաղտնի ծառայությունների պատասխանատվությունն է”:
Ըստ նախնական հաշվարկների, միջոցառմանը կմասնակցի 9ՕՕ հազար մարդ: Էբերթն ասում է, թե բոլորին պաշտպանելու համար իրենք ունեն բավարար հնարավորություններ: Պաշտոնամուտի հանդիսավոր արարողության օրը երկրի տարբեր հատվածներից այստեղ են բերվելու 5 հազար թվակազմով հատուկ ուժեր: Նրանք հսկելու են նախագահական շքերթի ամբողջ ճանապարհը: Սակայն ժողովրդի անվտանգությունն ապահովելու պարտականությունը դրված է Հայրենիքի անվտանգության նախարարության վրա: Հաշվի է առնված, որ այս տարի երդմնակալության օրը կարող են սկսվել Թրամփի դեմ բողոքի ցույցեր:
Հայրենիքի անվտանգության նախարարությունից Քրիս Գելդարդի խոսքերով, իրենք պիտի բոլորին տան այստեղ լինելու հնարավորություն:
“Նրանք պիտի ունենան հնարավորություն ասելու այն, ինչ իրենք են ուզում ասել: Իրենց գործողությունները պիտի իրականացնեն խաղաղ ու օրինապահ եղանակով, այնպես, որ օրվա վերջին բոլորը տուն վերադառնան ապահով”:
Այսպիսին է Վաշիգնտոնն այսօր`անվտանգության միջոցառումներ, նախագահի երդմնակալության փորձեր ու սպասումներ:
Հոկտեմբերի 12-ին՝ ժամը 13։30-ին, Հայելի ակումբի հյուրն է Գառնիկ Դանիելյանը
Հոկտեմբերի 12-ին՝ ժամը 12։30-ին, Հայելի ակումբի հյուրն է Նաիրա Զոհրաբյանը
Հոկտեմբերի 12-ին՝ ժամը 11։30-ին, Հայելի ակումբի հյուրն է Սուրեն Սուրենյանցը
Հոկտեմբերի 9-ին՝ ժամը 13։00-ին, Հայելի ակումբի հյուրն է Նաիրի Հոխիկյանը
Հոկտեմբերի 9-ին՝ ժամը 15։00-ին, Հայելի ակումբի հյուրն է Կարապետ Պողոսյանը
Հոկտեմբերի 9-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հոկտեմբերի 9-ին՝ ժամը 12։00-ին, Հայելի ակումբի հյուրն է Վիգեն Հակոբյանը
Հոկտեմբերի 8-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը
Հոկտեմբերի 8-ին՝ ժամը 16։00-ին, Հայելի ակումբի հյուրն է ազատամարտիկ Սերյան Չիլինգարյանը
Հոկտեմբերի 8-ին՝ ժամը 14։00-ին, Հայելի ակումբի հյուրն է կառավարման փորձագետ Ռոլանդ Մարտիրոսյանը
Հետևեք մեզ Viber-ում
