300 միլիոն եվրո՝ Էյֆելյան աշտարակի հերթերը նվազեցնելու համար

Lenta.ru-ն՝ հղում անելով The Local-ին  հայտնում է,որ Փարիզի քաղաքապետ Անն Իդալգոն հ այտարարել է Էյֆելյան աշտարակի արդիականացման մեջ 300 միլիոն եվրո ներդնելու պլանի մասին,  որոնք ուղղվելու են տեսարժան այդ վայրի հերթերի նվազեցմանը։ Իշխանությունները հերթերի դեմ պայքարել մտադիր են այցելուների համար ընդունելության նոր գոտիների ստեղծմամբ։ Ծրագրված է նաև ներդնել պիկ ժամերին հյուրերի հոսքի կառավարման համակարգ։ Միջոցները ծախսվելու են աշտարակի կոսմետիկ համակարգի, կառույցի համակարգերի կատարելագործման և այլ կարիքների համար։ Փարիզի քաղաքապետարանը մտադիր է հետագա 15 տարիներին Էյֆելյան աշտարակի վրա տարեկան ներդնել 20-ական միլիոն դոլար։ Տարեկան Էյֆելյան աշտարակ այցելում է 7 միլիոն զբոսաշրջիկ։Մինչ այդ դրա վրա տարեկան ներդրվել է մոտ 13.7 միլիոն դոլար։