Սիրիայում զոհված թուրք զինծառայողների թիվն ավելացել է

Թուրքական diken.com.tr կայքի փոխանցմամբ,Թուրքիայի ԶՈւ-ի կողմից Սիրիայի հյուսիսում իրականացվող «Եփրատի վահան» ռազմական գործողության շրջանակում զոհված թուրք զինծառայողների թիվը հասել է 47-ի: Թուրքական ԶՈւ-ն  հաստատել է սիրիական Էլ Բաբի մոտակայքում կորած թուրք զինվորների մահացած լինելը,անհայտ կորած երկու զինվորներն էլ ենթասպա են եղել: Հիշեցնենք, որ թուրքական հատուկ նշանակության ուժերն օգոստոսի 24-ի առավոտյան մտել են Սիրիայի տարածք՝ իրենց իսկ խոսքով՝ «Իսլամական պետություն» խմբավորման գրոհայիններից հյուսիսային Ջերաբլուս քաղաքի ազատագրման գործողության շրջանակում: Թուրքական ԶՈւ-ին աջակցում են նաև «Սիրիական ազատ բանակ» ընդդիմադիր խմբավորումն ու կոալիցիոն ուժերը՝ օդային հարվածների միջոցով: Թուրքական ԶՈՒ-ն պայքարում է նաև Սիրիայի հյուսիսում գործող քրդական ազգային խմբավորումների դեմ։