Հեղաշրջման փորձն ամենաարյունալի դավաճանությունն էր.Էրդողան
«Հուլիսի 15-ի հեղաշրջման փորձը Թուրքիայի համար ոչ այլ ինչ էր, քան պետության ու ժողովրդի հանդեպ դավաճանական ակտ: Անկասկած է, որ հեղաշրջման ձախողված փորձը նմանատիպ առաջին դավաճանությունը չէ։ Սակայն հաշվի առնելով հեղաշրջման փորձի ու նրա մասնակիցների նպատակները, կարելի է ասել, որ այն ամենաարյունալի դավաճանությունն էր երկրի հանդեպ»,- Anadolu լրատվական գործակալության փոխանցմամբ՝նման կարծիք է հայտնել Թուրքիայի նախագահ Ռեջեփ Էրդողանը: «Թուրքիան բախվել է իր պատմության մեջ ամենաարյունալի ու ստոր դավաճանության հետ։ 2016 թվականի հուլիսի 15-ը տարանջատեց դավաճաններին հայրենասերներից, ինչպես Թուրքիայում, այնպես էլ՝ արտերկրում։
Այդ իրադարձությունը նաև յուրօրինակ ցուցիչ է, թե ովքեր են Թուրքիայի իրական դաշնակիցներն ու ընկերը։ Մենք դա տեսանք բաց և հստակ։ Գյուլենականների դեմ պայքարը, որոնք վերջին 25 տարում չարորակ ուռուցքի նման տարածվել են Թուրքիայի ներսում, անկասկած հեշտ չէ »,-ընդգծել է նախագահը:
Հետևեք մեզ Viber-ում
