Ֆրանսիան պետք է փոխի իր քաղաքականությունը. Ասադ

Սիրիայի նախագահ Բաշար Ասադը դատապարտել է «Ֆրանսիայի քաղաքականությունը, որը նպաստել է Սիրիայում հակամարտության բորբոքմանը»։ Ասադը հայտարարել է, որ Փարիզը զբաղեցրել է իրականությունից կտրված դիրքորոշում և աջակցություն ցուցաբերել ահաբեկչական խմբավորումներին։ «Նման քաղաքականությունը ոչ մի օգուտ չի բերել ֆրանսիացի ժողովրդին: Սիրիացիները ճգնաժամի հենց ամենասկզբից մշտապես ենթարկվել են զինված կազմավորումների կողմից նման հարձակումների, նրանց զոհն են դարձել տասնյակ հազարավոր խաղաղ բնակիչներ»,-նշել է նա։