Թուրքիայում ևս 6 հազար մարդ է պաշտոնանկ արվել. «Ազատություն» ռադիոկայան

Թուրքիայի իշխանությունները ևս 6 հազար մարդու են պաշտոնանկ արել՝ ընդդիմադիր քարոզիչ Ֆեթուլլահ Գյուլենի հետ առնչություն ունենալու մեղադրանքով: Պաշտոնական Անկարան պնդում է, թե ԱՄՆ-ում բնակվող իսլամիստ գործիչն է կազմակերպել անցած հուլիսին իրականացված հեղաշրջման փորձը: Գյուլենը, մինչդեռ, հերքում է իրեն առաջադրված մեղադրանքները: Թուրքիայի կառավարության նոր որոշմամբ, աշխատանքից զրկվել են ոչ միայն ոստիկանության ու արդարադատության նախարարության հազարավոր աշխատակիցներ, այլև հարյուրավոր բժիշկներ ու գիտնականներ: Ընդհանուր առմամբ, անցած կես տարում Թուրքիայում պաշտոնանկ է արվել ավելի քան 120 000 մարդ, մոտ 41 հազարն էլ ազատազրկվել են՝ հեղաշրջման փորձին աջակցելու կասկածանքով: Նյութի մանրամասները կարդացեք «Ազատություն» ռադիոկայանի  կայքում