Թրամփը ԱՄՆ մի շարք դեսպաններից պահանջել է լքել պաշտոնը. The New York Times
ԱՄՆ նորընտիր նախագահ Դոնալդ Թրամփի թիմը հայտարարություն է տարածել, ըստ որի բոլոր այն դեսպանները, որոնց նշանակումը քաղաքական մոտիվացում ունի, պետք է լքեն իրենց պաշտոնները մինչև Թրամփի երդմնակալության արարողությունը: Այս մասին գրում է Gazeta.ru-ն՝ հղում տալով The New York Times-ին։ Ինչպես նշում է պարբերականը՝ սովորաբար նոր վարչակազմը հնի հետ համաձայնության է գալիս որոշ դեսպանների աշխատանքը մի քանի շաբաթով կամ ամսով երկարաձգելու համար։Դիվանագետների տվյալներով, որոնք տեսել են փաստաթուղթը, դեսապանները պետք է հեռանան առանց բացառությունների: Թրամփի թիմի բարձրաստիճան պաշտոնյաներից մեկը նշել է, որ նման միջոցառումները ձեռնարկվում են միայն վստահ լինելու համար, որ Բարաք Օբամայի բոլոր «քաղաքական» դեսպանները կթողնեն իրենց լիազորությունները։