Պայթյունի համար քրդերին է մեղադրել

«Ռեյթերը» հայտնում է, որ Թուրքիայի Իզմիրի նահանգապետ Էրոլ Այիլդըզը պայթյունի եւ դատարանի շենքի մոտ փոխհրաձգության պատասխանատու է համարել Քրդական աշխատավորական կուսակցությանը: «Առաջին տվյալները դրա մասին են վկայում: Հարձակվողները զինված էին  «Կալաշնիկով» ինքնաձիգներով եւ նռնակներով: Բախումը տեղի է ունեցել այն բանից հետո, երբ ոստիկանները փորձել են Բայրաքլի շրջանի դատարանի դիմաց  ոստիկանական անցակետում ավտոմեքենան կանգնեցնել: Բախման ժամանակ, երբ ահաբեկիչները փորձել են փախչել, պայթեցրել են ավտոմեքենայի ռումբը»,- նշել է Այիլդըզը: