Սերժ Սարգսյանի երկու պահանջը
Նախօրեին Սերժ Սարգսյանը մասնակցել է Սանկտ Պետերբուրգում կայացած ԵԱՏՄ նախագահության վեհաժողովին, որտեղ Հայաստանի համար երկու կարևոր հարց էր դրված սեղանին: Նիստին մասնակցել են անդամ երկրների բոլոր ղեկավարները, բացառությամբ Բելառուսի նախագահ Լուկաշենկոյի: Սերժ Սարգսյանը ձևակերպել է Հայաստանի պահանջները, նշելով երկու հիմնական կետ: Հայաստանը ԵԱՏՄ անդամ երկրների հետ ցամաքային սահման չունի: Ցամաքային կապը ԵԱՏՄ-ի հետ ապահովվում է Վրաստանի տարածքով՝ Վերին Լարսի անցակետով, որը չի կարող արդյունավետ ճանապարհ համարվել, պայմանավորված ինչպես սեզոնային/ձմռանը այն դառնում է անանցանելի/ այնպես էլ բյուրոկրատական խնդիրներով: Սերժ Սարգսյանը ԵԱՏՄ ղեկավարներին փախանցել է հայ տնեսվարողների առաջարկը՝ Վրաստանի տարածքում ստեղծել հատուկ անցուղի ԵԱՏՄ անդամ երկրների բեռնափոխադրողների համար, որը առաջին հերթին կթեթևացնի Հայաստանի տնեսվարողների գործը: Երկրորդ թերևս առեվել առանցքային նշանակության հարցը, որը բարձրաձայնել է Սերժ Սարգսյանը Իրանի հետ հարաբերությունենրին է առնչվում. «Իրանի Նախագահ Ռոհանիի՝ վերջերս Հայաստան կատարած պաշտոնական այցի ընթացքում մենք հանգամանորեն քննարկեցինք ԵԱՏՄ և Իրանի միջև առևտրատնտեսական հարաբերությունների խորացման հեռանկարները, այդ թվում՝ ազատ առևտրի գոտու ստեղծման հարցը: Մասնավորապես, ներկայացվել են փոխշահավետ համագործակցության այն լայն հնարավորությունները, որոնք կբացվեն մեր երկրների և Իրանի տնտեսավարող սուբյեկտների համար: Իրանի Նախագահն իր հետաքրքրվածությունը հայտնեց ԵԱՏՄ հետ ժամանակավոր համաձայնագրի կնքման վերաբերյալ, որը կհանգեցնի ազատ առևտրի գոտու ձևավորմանը: Հայաստանը ակտիվորեն աջակցում է Եվրասիական տնտեսական հանձնաժողովի և Իրանի միջև բանակցային գործընթացին՝ նպատակ ունենալով որքան հնարավոր է արագ հասնել տվյալ համաձայնագրի ստորագրմանը: Միաժամանակ, մենք քննարկել ենք Պարսից Ծոց-Սև ծով միջազգային տրանսպորտային և տարանցիկ միջանցքի ստեղծման ծրագրերը: Հայաստանը՝ Իրանի հետ ցամաքային սահման ունեցող ԵԱՏՄ միակ անդամը, շեշտադրում է կատարում տրանսպորտային և լոգիստիկ ենթակառուցվածքների զարգացման վրա, այդ թվում՝ ներկայումս իրականացվող Հյուսիս-հարավ միջանցքի կառուցման շնորհիվ, որը ԵԱՏՄ շրջանակներում մեր գործընկերների համար հարմարավետ և անվտանգ հարթակ կստեղծի դեպի Պարսից ծով, այնուհետև Հնդկական օվկիանոս ելք ունենալու համար»,- ասել է Սերժ Սարգսյանը: Սերժ Սարգսդյանի այս երկու առաջարկների իրագործման դեպքում կարող է լրջորեն փոխել Հայաստանի տարածշարջանյաին դերն հնրավորությունները: Փաստորեն Իրանի հետ համագործակցության հեռանկարը Հայաստանը կարող է վերջապես տալ տրանզիտ երկրի կարգավիճակ. Վրաստանի տարածքում և ԵՏՄ երկրների անցուղու ստեղծման դեպքում Իրանական տրանզիտը կարող է Հայստանով և Վրաստոնով ձգվել մինչև Ռուսաստան: Այստեղ արդեն Սերժ Սարգսյանին ու Հայաստանին օգնելու առումով անելիք ունի ԵԱՏՄ ընեսական հաձնաժողովի նախագահ, ՀՀ նախկին վարչապետ Տիգրան Սարգսյանը: Կկարողանա՞ Տիգրան Սարգսյանը ԵԱՏՄ բյորոկրատական ապարատում ապահովել Հայաստանի շահի պաշտպանությունը, ցույց կտա ժամանակը: Կարինե Սարիբեկյան
Հետևեք մեզ Viber-ում
