Արթուր Բաղդասարյանը քցվե՞լ է

«Հայկական վերածնունդ» դարձած ՕԵԿ տխրահռչակ առաջնորդ, իշխանության  վերջին ութը տարվա անգերազանցելի հաճախորդ Արթուր Բաղդասարյանին չի հաջողվում դուրս գալ ԱԽՔ-ի <<տակից>>: 2008-ին սեփական էլեկտորատին դավաճանելով և Սերժ Սարգսյանի կողմն անցնելով՝ այս ընդդիմադիր հռչակված կատաղի առաջնորդը  համալրեց բացահայտված հաճախորդների ցանկը և դարձավ «ախք» բառի բուն ու ֆունկցիոնալ իմաստներով։  Արդեն  երկու տարի է հանուն վաղվա ընտրությունների ինքնամաքրման ճանապարհ բռնած Արթուր Բաղդասարյանը թեեւ հրաժարվեց իշխանության հետ կոալիցիայից, ինչպես նաեւ ԱԽՔ-ից, բայց նա շարունակում է ախք մնալ, այդ մասին գիտի, հասկանում է նաեւ ինքը՝ Բաղդասարյան Արթուրը , ուստի տքնում է հզոր կուսակցության իմիտացիա ապահովել, որը հետ չի մնում ամենաազդեցիկից ՝ՀՀԿ՝-ից, ուզում է ցույց տալ, թե  ինքը դեռ որոշիչ գործոն է ներքաղաքական կյանքում ու այս կարգի թիթիզություններ: Բոլորովին օրրերս երիտասարդական միության համագումար հրավիրելը նույնպես այդ նպատակով էր, որի ընթացքում մեզ հայտնեցին ՀՎԿ նորագիր 1000 երիտասարդների մասին, բայց դահլիճ լցրած այդ երիտասարդները դժվարացան ձևակերպել անդամակցության  պատճառը, թե՝ «Մի րոպե խորհրդակցենք, նոր ասենք, որ խայտառակ չլինենք», անկեղծացավ  երիտասարդ մի աղջիկ, որին կարելի է ծափեր չխնայել անկեղծության ու չստելու համար: Փաստորեն այս աղջիկը, չընկրկեց <<բոսսի>> ներկայությունից, չստեց,չկեղծեց, թե ՀՎԿ-ն են ոտք դրել գաղափարների ու նման լոլոների համար: Նա հոգու գիտե, որ Արթուր Բաղդասարյանի թիմին անդամակցելն ինքնին խայտառակություն է, նա գիտի, որ այդ կարծիքին է ողջ բանական հայությունը, որովհետեւ իրեն հարգող որեւէ քաղաքացի չի կարող  ներել բացահայտ դավաճանությունը, եթե Բաղդասարյանի ընտանիքի անդամ չէ, կամ մոտ բարեկամ:Որովհետեւ չի կարող սկզբունք ունեցող որեւէ մեկը, այն էլ երիտասարդ, պատմության գիրկն ուղարկել 2008-ն ու հիշողություններից  ջնջել Մարտի 1-ը: Ոչինչ չի մոռացվել, ոչ ոք չի մոռացվել,  ու այս ամենից անկասկած է դառնում, որ ՀՎԿ-ի  <<նորագիրներին>>  դահլիճ է հասցրել փողի խնդիրը, որը սակայն նրանց չի դրդում ստի, խաբության, կեղծիքի ու վերջապես խայտառակության…. Անշուշտ,  քաղաքական ուժերն ըստ կանոնակարգի կարող իրենց հռչակել իշխանություն կամ ընդդիմություն, բայց ՕԵԿ-ի ընդդիմադիր լինելու որոշումը բոյկոտելու հնարավորությունը հասարակության ձեռքում է:                   Արթուր Բաղդասայանը ինքն էլ պետք է ընդունի,որ  ընդդիմություն-իշխանություն ճամբարափոխությունն այս կյանքում մեկ անգամ է լինում ու վերջնական: ԱԽՔ-ից  թունդ ընդդիմադիր դառնալը հանաք բան չէ, ու այդ աններելի խայտառակության մասին  չեն մոռացել շատերը: Թեպետ ՕԵԿ պարագլխի ելույթից ուրախալի հետեւություններ կարելի է անել, երեւում է, որ նա մենակ է մնացել, մինչեւ վերջերս հայտարարվում էր, թե ՀՎԿ-ն ընտրություններին գնալու է միայնակ, առանց դաշինքի, առանց այլ ուժերի հետ համագործակցությամբ, հիմա Բաղդասարյանը այլ բան է ողջունում. «Մեզ համար կարևոր է, որ առաջիկա համապետական ընտրություններում հնարավորինս լայն կոնսոլիդացիա տեղի ունենա: Մենք դրա հաստատուն կողմնակիցն ենք»: Սա նշանակում է, որ ՕԵԿ-ը մնացել է մեն-մենակ ու անմխիթար վիճակում: Որքան էլ Բաղդասարյանն իր համակիրներին ոգևորելու համար շարունակում է կրկնել, թե իրենց շուրջ միավորվել են 10-ից ավելի կուսակցություն, 170-ից ավելի հասարակական կազմակերպություն, այս ունայն թվերն այլևս տպավորություն չեն գործում, ըստ ամենայնի Բաղդասարյանի հայտարարած թատրոնը անհրապույր է նաեւ իշխանության համար ու հիմա քցվելու ցավալի պահն է… Անի Սահակյան