«Կոռեկտ չի լինի խոսել Լուկաշենկոյի բացակայության պատճառների մասին». Պեսկով
RIA Novosti-ի փոխանցմամբ,ՌԴ նախագահի մամուլի քարտուղար Դմիտրի Պեսկովը լրագրողներին հայտնել է, որ Սանկտ Պետերբուրգում ԵՏՄ և ՀԱՊԿ գագաթաժողովներում Բելառուսի նախագահ Ալեքսանդր Լուկաշենկոյի բացակայության պատճառները պետք է հայտնի բելառուսական կողմը: « Մեր բելառուս գործընկերները հայտնել են, որ Լուկաշենկոն չի կարող մասնակցել այսօրվա գագաթաժողովներին։ Ես չեմ կարծում, թե «խուսափել» բառն այստեղ տեղին է օգտագործել։ Կարծում եմ՝ մեր կողմից կոռեկտ չէր լինի խոսել պատճառների մասին, ամեն դեպքում դա պետք է անի Բելառուսի նախագահի մամուլի ծառայությունը»,- ասել է Պեսկովը լրագրողներին։ Այնուամենայնիվ, Բելառուսի նախագահի բացակայությունը Սանկտ Պետերբուրգում չի ազդել փաստաթղթերի ստորագրման վրա,հայտնել է Պեսկովը։ «Դե-ֆակտո Լուկաշենկոյի բացակայությունը չի խանգարի քննարկել առարկայական հարցեր՝ կապված ինտեգրացման հետ։ Բոլոր փաստաթղթերը, որոնք այսօր ստորագրվելու են, ավելի վաղ ամբողջությամբ համաձայնեցվել են մեր բելառուս գործընկերների հետ:Այդ փաստաթղթերն այնուհետ ուղարկվելու են Մինսկ՝ Բելառուսի նախագահի ստորագրմանը»,- ասել է Պեսկովը:
Հետևեք մեզ Viber-ում
