Զանգվածային ձերբակալություններ՝ Թուրքիայում

Թուրքիայում սոցցանցերում ահաբեկչության քարոզչության համար կալանավորվել է 1656 մարդ։ Այս մասին հայտնում է «Անադոլու» գործակալությունը՝ հղում անելով երկրի ՆԳՆ-ին։Սոցկայքերի օգտատերերի շրջանում իրականացված գործողությունների արդյունքում նախապես բերման էր ենթարկվել 3.710 անձ, որոնցից 1.230­ը ստուգում անցնելուց հետո ազատ է արձակվել: 84 կասկածյալի նկատմամբ թուրքական ոստիկանությունը շարունակում է հետաքննություն իրականացնել: Գերատեսչությունում նշել են, որ կալանավորվածներին առաջադրվել է ահաբեկչություն և բռնություն քարոզելու, պետության ղեկավար մարմիններին հրապարակավ վիրավորելու մեղադրանքներ։