Դաժան սպանություն է. Նաիրա Զոհրաբյանը մխիթարում է սպանված կուրսանտի հարազատներին/տեսանյութ/

Ավան և Նորք Մարաշ վարչական շրջանների ընդհանուր իրավասության դատարանում շարունակվում է  Վազգեն Սարգսյանի անվան ռազմական ինստիտուտի կուրսանտ, դաժանաբար սպանված Հայկազ Բարսեղյանի գործով դատաքննությունը: Հիշեցնենք, որ Հիշեցնենք, հունվարի 29-ին՝ ժամը 06:35-ի սահմաններում, հայտնաբերվել էր Հայկազ Բարսեղյանը՝ պտտաձողի վրա պարանով կախված վիճակում: Նշենք, որ գործը գտնվում է ապացույցների հետազոտման փուլում: Երեկ դատական նիստին մասնակցում է նաև ԱԺ ԲՀԿ խմբակցության ղեկավար Նաիրա Զոհրաբյանը: Նաիրա Զոհրաբյանը լրագրողների հետ զրույցում նշեց ,որ հետևելու է դատաքննական պրոցեսին նախ որպես քաղաքացի, ապա որպես պատգամավոր, մայր: Պատգամավորը՝ ցինիզմ որակեց բոլոր այն հայտարարությունները, որոնք արդարացնելով սպանությունը այն վերաձևակերպում են որպես ինքնասպանություն: Նաիրա Զոհրաբյանը լրագրողների հետ զրույցում նշեց, որ աջակցելու է սպանված զինծառայողի ընտանիքին՝ հարազատի նման լինելով նրանց կողքին: Պայքարելու է, որ արդար դատաքննության արդյունքում պատժվեն բոլոր մեղավորները: Դատավորը ընթերցեց ամբաստանյալներին առնչվող բնութագրերը: Բնութագրերի համաձայն բոլոր ամբաստանյալներն էլ աչքի են ընկել բարությամբ, ազնվությամբ և համարվել են օրինակելի երիտասարդներ: Նշենք, որ  ՀՀ քննչական կոմիտեում հարուցված քրեական գործով մեղադրանք է առաջադրվել Հայկազ Բարսեղյանի 4 համածառայակցի: Նույն զորամասի զինծառայողներ Վաչե Սահակյանին, Մովսես Ազարյանին, Գնել Թևոսյանին և Նորիկ Սահակյանին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 7-րդ և 10-րդ կետերով՝ մի խումբ անձանց կողմից խուլիգանական դրդումներով սպանության համար: Դեպքից հետո հարուցվել է նոր քրեական գործ՝ ՀՀ քրեական օրենսգրքի 375-րդ հոդվածի 1-ին մասի հատկանիշներով։ Ապացույցներ հետազոտման փուլում: Պաշտպաններ Արա զաքարյանը միջնորդեցին կարեն բաղրամյանի քրեական գործը միացնել Հայկազ Բարսեղյանի քրեական գործին: Գործի օբյեկտիվ քննության համար դատարանը թող որոշի  գործի քննության համար ավելի արդյունավետ է գործերի միացումը: Աստղիկ Ավագյան