Վերջին զինյալները դուրս են բերվել Հալեպի արևելյան թաղամասերից

Ինչպես պնդում Է «Ալ Իխբարիա»-ն,  զինյալների վերջին խմբերը, որոնք հրաժարվել են հանձնվել սիրիական բանակին, լքել են Հալեպի արևելյան թաղամասերը: Ռամուսի հսկիչ անցակետ է ժամանել պիկապների շարասյուն, որոնցում եղել են անօրինական կազմավորումների անդամները: Այստեղից նրանք ուղարկվելու են Խան էլ Ասալ, որը գտնվում է զինված ընդդիմության հսկողության տակ: Զինյալների դուրսբերումն ավարտված է, և սիրիական բանակի սակրավորները մոտ ժամանակ կսկսեն ազատագրված շրջանների ականազերծման գործողությունը: Ռամուսի անցակետում մնում են Կարմիր խաչի միջազգային կոմիտեի և Սիրիայի Կարմիր մահիկի ընկերության աշխատակիցները: