Ի՞նչ է արել Կարեն Կարապետյանը, որ հանրությունը տեղյակ չէ
Լրանում է վարչապետ Կարեն Կարապետյանի պաշտոնը ստանձնելու 100-րդ օրը: Ավանդաբար այդ օրը պաշտոնյաները հանդես են գալիս մամուլի ասուլիսով, սակայն Կարեն Կարեպետյանն այդ ավանդույթը խախտել է: Նա արդեն մեկ անգամ մամուլի ասուլիսի է հրավիրել խմբագիրներին, մինչ այդ էլ նա պատասխանել էր Ֆեյսբուքի օգտատերերի հարցերին: Այս անգամ վարչապետը հարցազրույց է տվել Financial Times-ի FDI MAGAZINE պարբերականի լրագրող Քորթնի Ֆինգարին: Պատասխանելով հարցին, թե որոնք են այն գերակայությունները, որոնց վարչապետը կցանկանար անմիջապես անդրադառնալ Կարեն Կարապետյանը պատասխանել է. «Վարչապետի աշխատանքը ենթադրում է, որ ցանկացած խնդիր գերակա է: Տնտեսական աճ, սոցիալական հարցեր, առողջապահություն և պայքար կոռուպցիայի դեմ. չի կարելի ասել, թե այս ոլորտը գերակա է, իսկ մյուսը՝ երկրորդային: Թերևս, վարչապետի և գործարարի աշխատանքի և գործողությունների տարբերությունն այն է, որ վարչապետը չի կարող իրեն թույլ տալ առաջնահերթություններ սահմանելու և միայն կարևորագույն խնդիրներով զբաղվելու շքեղությունը: Ըստ իս՝ ահա թե որն է մեր առաջին գլխավոր խնդիրը. մեզ անհրաժեշտ է կապ հաստատել հասարակության հետ, որպեսզի մեր ազգը հասկանա, հավատա և արձագանքի մեր կողմից ուղարկվող ազդակներին: Դա վերաբերում է թե´ տնտեսվարողներին, թե´ հանրության լայն շրջանակներին: Մեզ համար շատ ավելի հեշտ կլինի բարելավել իրավիճակը, երբ մեր ազգը մեր դաշնակիցը լինի և սատարի մեր առաջարկած ծրագրերին»: Փաստորեն վարչապետն այն կարծիքն է, որ հիմնական խնդիրն ու խոչընդոտը հանրային իրազեկվածության պակասն է, որից էլ ածանցվում է ազգը հասվատն ու վստահությունը: Կարապետյանն իհարկե ճիշտ է ասում՝ առանց վստահության չի կարող զարգացում լինել: Բայց ինչի՞ց է Կարեն Կարապետյանը ենթադրել, որ վստահության և հավատի պակասը հասարակության հետ կապի բացակայությամբ կամ ցածր մակարդակով է պայմանավորված: Թերևս Կարեն Կարապետյանի համապատասխան ոլորտի խորհրադատուները կարողացել են համոզել կամ տպավորություն ստեղծել վարչապետի մոտ, որ հանրության հավատն ու վստահությունը շահելու համար պակասում է ՊՌ-ը և անհրաժետություն կա այս ուղղությամբ լուրջ աշխատանք տանել: Կարեն Կարապետյանի նախորդների փորձն ու կյանքն ընդհանրապես ցույց է տվել, որ ՊՌ-ի բարձր էֆեկտը կարճատև է լինում: Հանրության վստահության հիմքում, եթե իհարկե խոսքը տևական վստահության մասին, որը երկարատև ժամանակահատվածում կարող է վերածվել տնտեսական արդյունքի, կառավարության աշխատանքն ու չափելի կոնկրետ արդյուքներն են ընկած: Ի վերջո, ի՞նչ են արել Հայաստանի կառավարությունը կամ վարչապետը, որ հասարակությունը տեղյակ չէ: Այն ինչ արվել է նոր վարչապետի կողմից այս պահին ընդամենը հույսեր է առաջացրել, որը կայուն վստահություն կդառնա, եթե կոնկրետ գործի վերածվի և արտացոլում գտնի տնտեսության մեջ, օրինակ նոր ստեղծված աշխատատեղերի, փոքր ու միջին բիզնեսի զարգացման և վերջապես կոնկրետ ՀՀ քաղաքացու առօրյա կենսակերպի վրա: Իր հարցազրույցում Կարեն Կարապետյանը խոսել է բիզնեսի համար ազատ, մրցակցային և արդար միջավայր ստեղծելու, մեր ազգի ստեղծարար ներուժը և գործարար ձիրքին վստահելու, Ռազմավարական նախաձեռնությունների կենտրոն և տնեսությանը աջակցող հիմնադրամներ ստեղծելու մտադրության մասին: Երբ այդ մտադրությունենրը գնահատելի լինեն թվերով և մենք հանրությանը կոնկրետ գործ ցույց տալու հնրավորություն ստանանք և՛ վստահության հարցը կլուծվի և՛ ՊՌ-ի: Դավիթ Մանուկյան Լուսանկարը՝ Ֆոտոլուրի