Մկրտումյանը Վանաձորում «տակից խաղեր» է տվել
Վանաձորի հարցը մնում է քաղաքական ու հանրային շրջանակների հետաքրքրությունների տիրույթում: Իշխանությունը ի դեմս նորընտիր քաղաքապետ Մամիկոն Ասլանյանի ճանապարհներ են փնտրում ավագանու նիստ գումարելու համար, որպեսզի կարողանան հաստատել քաղաքի զարգացման ծրագիրն ու բյուջեն, ընդդիմությունն էլ շարունակում է միասնական բոյկոտը: Հոկտեմբերի 2-ին տեղի ունեցած ընտրությունների արդյունքում Վանաձորի ավագանիում Հանրապետական կուսակցությունը ստացել էր 13, «Լուսավոր Հայաստանը»՝ 10, «Հայկական վերածնունդը»՝ 5, «Բարգավաճ Հայաստանը»՝ 3, ՀՅԴ-ն՝ 2 մանդատ: Մինչև քաղաքապետի ընտրությունը՝ հոկտեմբերի 8-ին, «Լուսավոր Հայաստանը», «Հայկական վերածնունդը» և «Բարգավաճ Հայաստանը» ստորագրեցին համագործակցության հուշագիր՝ Վանաձոր քաղաքում համագործակցային կառավարում հաստատելու մասին։ ԲՀԿ-ն և ՀՎ-ն պարտավորվում էին քաղաքապետի ընտրությունների ընթացքում պաշտպանել ԼՀԿ-ի ներկայացուցիչ Քրիստ Մարուքյանի թեկնածությունը: Ըստ այդ քաղաքական պայմանավորվածության արդյունքների՝ Քրիստ Մարուքյանը պետք է ունենար 18 կողմ ավագանու անդամ, ինչը լիովին բավարար էր Վանաձորի քաղաքապետ ընտրվելու համար:Կոալիցիա կազմեցին նաեւ ՀՀԿ-ն ու ՀՅԴ-ն:Գաղտնի քվարկության արդյունքում Վանաձորի ավագանիում քաղաքական փոքարամասնության ներկայացուցիչ, ՀՀԿ-ի թեկնածու Մամիկոն Ասլանյանը ստացավ 19 քվե և ընտրվեց քաղաքապետ, բայց մինչ օրս չի կարողանում ասպարեզ բերել իրեն ձայն տվողներին: Այս ընթացքում կողմերը մամուլի միջոցով նույնիսկ փորձեցին բացահայտել չորս դավաճաններին,բայց այդպես էլ դրանք մնացին մամուլի <<աղբյուրների>> մակարդակում: Մեր խմբագրությունը այսօր նամակ է ստացել Վանաձորից, որով քաղաքում ստեղծված իրավիճակի այսպես կոչված ողջ մեղքը դնում են իշխանությունների վրա: Մեզ գրող քաղաքացին նկատում է, որ եթե իշխանական շրջանակները ընտրությունների ժամանակ չպառակտվեր, ապա ՀՀԿ թեկնածուն մեծամասնություն կստանար: Օրինակ իշխանական որոշ շրջանակներ քվեարկել են Արթուր Բբաղդասարյանի ՀՎԿ-ն գլխավորող Արկադի Փելեշյանի օգտին, որը ԱԺ փոխխոսնակ Էդուարդ Շարմազանովի եղբոր սանիկն է: Այդ մասին մամուլը բազմիցս գրել է:Մեզ տրամադրած տեղեկությունների համաձայն՝ Փելեշյանի թեկնածության օգտին նաեւ Ավետարանչական հավատքի հետեւորդներն են քվեարկել, ինչ-որ պահից առաջացած տարաձայնությունների արդյունքում չնայած տեղի ունեցավ հոգեվոր հովվի ծեծի միջադեպը, սակայն գործի կարճումը արդեն իսկ ապացուցում է համայնքի ու թեկնածուի միջեւ ամուր կապը: Պարզվում է նաեւ, որ ԲՀԿ ցուցակը գլխավորող բժշկուհի Այծեմնիկ Օհանյանը նույնպես ստացել է իշխանական, ավելի կոնկրետ՝ դատական համակարգի աջակցությունը: Քաղաքի դատական մարմինները վերեւից՝ Վճռաբեկ դատարանի նախագահ Արման Մկրտումյանից հրահանգ են ստացել աջակցել Օհանյանի թեկնածությունը:Իսկ մարզում հարցերը կարգավորել է մարզի ընդհանուր իրավասության դատարանի նախագահ Մուշեղ Հարությունյանը: Մեզ տրամադրված տեղեկությունների համաձայն Մկրտումյանը վաղեմի մտերմություն ունի Կիրովականի նախկին քարտուղար Հայկ Օհանյանի հետ , որը Այծեմնիկ Օհանյանի հայրն է: <<Ամեն Վանաձոր մտնելիս նա պետք է այցելի Հայկ Օհանյանին>>: Անի Սահակյան