Նրանք վերադառնում են

Պանաման նվաճած գեներալը աննախադեպիվացել է:Արդարադատության նախարարության Դատական ակտերի հարկադիր կատարման նախկին պետ եւ բանանի ներկրման մոնոպոլիստ Միհրան Պողոսյանն օվշորային հայտնի սկանդալից ու ԴԱՀԿ պետի պաշտոնից հրաժարական տալուց հետո ակտիվորեն լծվել է ամբոխահաճո գործունեության, նրա սեփականություն հանդիսացող Քեթրին բարեգործական ընկերությունը աշխատում է առանձնակի ակտիվությամբ ու էլ ավելի լայն թափով գովազդում այդ բարեգործությունը, ինչից կարելի է ենթադրել, որ Միհրան Պողոսյանը վերադառնում է: Թեպետ խոսվում էր, որ իսկզբանե էլ հայտնի էր, որ նրա վերադարը անխուսափելի է, այդ պատճռով էլ նրա փոխարեն նշանակել են մեկին, որն առանձնապես չի փայլում ինքնուրույնությամբ եւ համարվել է, որպես Միհրան Պողոսյանի կամակատար: Նա անգամ համապատասխան կոչումներ չունի ու այժմ էլ մնում է ժամանակավոր պաշտոնակատարի կարգավիճակում: Բայց վերջին շրջանում առկա խոսակցությունները հուշում են, որ Պողոսյանի վերադարձը նախ փորձություն են դարձնելու իր համար ու ամենայն հավանականությամբ 2017 թվականի խորհրդարանական ընտրություններին Հանրապետական կուսակցության ռեյտինգային ցուցակում նա եւս կառաջադրվի ու ջանք ու եռանդ գործադրելով կուսակցության համար ձայներ կբերի, որից հետո կորոշվի, թե խորհրդարան է գործուղվելու, թե նախկին պաշտոնին վերադառնալու: Քեթրինի Միհրանին են պատկանում արագաչափերի եւ կարմիր գծերի բիզնեսում որոշակի բաժնեմաս: Ի տարբերություն Միհրան Պողոսյանի, Սուրիկ Խաչատրյանի վերջին պաշտոնանկությունը բացառիկ անգամ տեղի ունեցավ առանց աղմկահարույց միջադեպի հետեւանքով: Սուրիկ Խաչատրյանը հեռացավ, որովհետեւ եկավ Կարեն Կարապետյանը, ով հայտարարեց, թե սկսում է չտեսնված-չլսված բարեփոխումներ: Առաջինն էլ սկսեց կառավարությունից՝ հեռացնելով կրիմինալ տարրերին, որոնց թվում՝ Լիսկային,Գագիկ Բեգլաարյանին ու այլոց: Դատելով այս մարդկանց մասին հասնող լուրերից նույն տրամադրություններն են նաեւ նրանց ճամբարներում: Օրինակ, Բեգլարյանը ուղում է վերադառնալ իր երազանքների պաշտոնին ու դառնալ Երեւանի քաղաքապետ, դրա համար էլ բավականին ակտիվ է Կենտրոն համայնքում ու որոշ տեղեկություններով ձայների պատասխանատուն Կենտրոնում նա է լինելու: Դե, իսկ Լիսկան, որեւէ մեկից չթաքցրեց, որ հենց ինքն է լինելու ընտրությունների պատասխանատուն ու վերադառնալու է ամիսներ հետո: Այս մասին նա հայտարարեց հոկտեմբերի 27-ն, որը մեծ աղմուկ բարձրացրեց: Գուցե էր դա է պատճաը, որ նրա ձայնը այլեւս չի լսվում, միայն հայտնի է, որ գործընթացը նա ամբողջությամբ առաջ է տանում, ուղղակի առանց աղմուկ-աղաղակի: Նա ընտրություններից ամիսներ առաջ արդեն հավաքագրում է իր ունեցածն ու ՀՀԿ-ի ձայները: Մի խոսքով՝ ակնհայտ է, որ Սերժ Սարգսյանը քաղաքական թափոններից չի հրաժարվում ու բոլորը ընտրություններից հետո իրենց հասանելիքը կստանան: Անի Սահակյան