«Ռոսկոմնադզոր»-ի ղեկավարն ասել է LinkedIn-ի արգելափակման պատճառը
НТВ հեռուստաընկերությունում տրված հարցազրույցում «Ռոսկոմնադզոր»-ի ղեկավար Ալեքսանդր Ժարովն ասել է պատճառը, թե ինչու է արգելափակվել LinkedIn սոցիալական կայքը: «Գոյություն ունի մի վարկած, ըստ որի «Ռոսկոմնադզոր»-ն իր բոլոր նոր մեթոդները փորձարկում է LinkedIn-ի վրա, իսկ հետո անցնում է լուրջ սոցիալական կայքերին»: Նրա խոսքով՝ պատճառը ուրիշ տեղում է: Բանն այն է, որ «Ռոսկոմնադզոր»-ում ուշադրություն են դարձրել, որ այդ սոցիալական կայքում է անձնական տվյալների ամենաշատ արտահոսքը: Ժարովը նշեց, որ յուրաքանչյուր երկիր պետք է պաշտպանի առաջին հերթին իր բիզնեսները և այս պարագայում ազգային հովանավորչությունը տեղին է: Ավելի վաղ, Ժարովն ասել էր, որ LinkedIn-ի արգելափակումը ամենանշանակալից իրադարձությունն է եղել սոցաշխարհում:
Հետևեք մեզ Viber-ում
