«Պուտինի և Թրամփի հանդիպումը տեղի կունենա 2017-ին». Րյաբկով
РИА «Новости»-ն գրում է, որ Ռուսաստանի Պաշտպանության փոխնախարար Սերգեյ Րյաբկովը հայտարարել է, որ Ռուսաստանի նախագահ Վլադիմիր Պուտինի և ԱՄՆ նորընտիր նախագահ Դոնալդ Թրամփի հանդիպումը կկայանա 2017 թվականին: «Արդեն խոսվել է այն մասին, որ մենք պատրաստ ենք այդ հանդիպմանը, եթե պատրաստ են մեր գործընկերները: Մենք հասկանում ենք, որ աշխատակազմը պետք է զբաղեցնի համապատասխան աթոռները, գրասենյակը պետք է ձևավորված լինի»,- ասել է Րյաբկովը «Միջազգային կյանք» հրատարակության հարցազրույցում: Նա ասել է, որ Ռուսաստանը հույս ունի, որ դրական փոխհամաձայնության կգա Թրամփի հետ: «Մանավանդ ռուս-ամերիկյան հարաբերություններում երկրների ղեկավարների փոխադարձ հարաբերությունները կարևոր նշանակություն ունեն: Ես ամբողջությամբ չեմ տիրապետում ԱՄՆ պատմությանը, բայց այն ինչ կատարվել է վերջին տարիներին միայն դա է ապացուցում: Հույս ունեմ, որ ԱՄՆ 45-րդ նախագահի հետ կլինի փոխադարձ հասկացվածություն»,- ասել է նա: Ավելի վաղ, Պուտինը հայտարարել է, որ ամեն պահի պատրաստ է Թրամփի հետ հանդիպմանը:
Հետևեք մեզ Viber-ում
