Պուտինը չի բացառել, որ Ռուսաստանում ամենաքիչ գնաճն է գրանցվել վերջին 25 տարիների ընթացքում

Ռուսաստանի նախագահ Վլադիմիր Պուտինը հայտարարել է, որ 2016 թվականին գնաճը Ռուսաստանում կարող է կազմել 5,8%: Այս մասին տեղեկացնում է ТАСС—ն: «Մի քանի ոլորտներում, իսկ ավելի կոնկրետ՝ մակրոէկոնոմիկայի, մեզ մոտ նկատելի շարժ կա դեպի դրականը: Հնարավոր է, և, երևի թե, այդպես էլ կլինի, որ մեզ մոտ կգրանցվի ամենաքիչ գնաճը վերջին 25 տարիների ընթացքում»,- ասել է Պուտինը կառավարության նիստի ժամանակ: Ավելի վաղ, Ռուսաստանի բանկի ղեկավար Էլվիրա Նաբիուլինան հայտնել էր, որ 2016 թվականին գնաճը Ռուսաստանում կազմել է 5,4–5,8%: