ԱՄՆ-ն հայտարարել է հնարավոր պատասխան քայլերը «ռուսական հակերների» հարձակումներին
ԱՄՆ նախագահ Բարակ Օբամայի օգնականներն ու հատուկ ծառայություններն աշխատում են Վաշինգտոնի կարծիքով ռուսների կողմից կատարվող կիբերհարձակումներին պատասխան հարվածներ տալու ուղղությամբ: Այս մասին գրում է The New York Times-ը հղում անելով Սպիտակ տանը գտնվող աղբյուրին: «Մի քանի տարբերակներ համարվել են անարդյունավետ, իսկ մի քանիսն էլ՝ շատ ռիսկային: Եթե հնարավոր լիներ ընտրել լավագույն տարբերակը, ապա նախագահը արդեն կանցներ գործողությունների»,-հայտնել է աղբյուրը: Հրատարակության մեջ նշվում է, որ ԱՄՆ կառավարության պատասխաններից մեկը կլինի Ռուսաստանի նախագահ Վլադիմիր Պուտինի գաղտնի հաշիվների արգելափակումը Եվրոպայի և Ասիայի բանկերում: Բացի այդ, նշվում է, որ առաջարկվել է արգելել Ռուսաստանի գլխավոր շտաբի ղեկավարության մուտքը ԱՄՆ: Ինչպես հայտնում է աղբյուրը՝ քննարկվել է «բացահայտել Պուտինի և օլիգարխների կապը», սակայն այդ մտքից նրանք հրաժարվել են, քանի որ հասկացել են, որ այն «շոկի մեջ չի գցի ռուսներին»: Ավելի վաղ, Ռուսաստանի նախագահի մամլո խոսնակ Դմիտրիյ Պեսկովը հայտարարել է, որ Վաշինգտոնը պետք է դադարի խոսել այն մասին, որ իբր ռուս հակերները տեղ ունեն ԱՄՆ տարածքում կամ էլ բերի ապացույցներ:
Հետևեք մեզ Viber-ում
