«Կշարունակենք ջախջախել աջերին». Բոլիվիայի նախագահը եւս մեկ անգամ կառաջադրի իր թեկնածությունը
Բոլիվիայի նախագահ Էվո Մորալեսը համաձայնել է իշխող «Շարժում դեպի սոցիալիզմ» կուսակցության կոնգրեսի առաջարկին՝ մասնակցել 2019 թվականին կայանալիք նախագահական ընտրություններին, հաղորդում է El Deber-ը։ «Եթե ժողովուրդն ասում է, որ մենք վերընտրության կգնանք Էվոյի հետ, խնդիր չկա, կշարունակենք ջախջախել աջերին»,-ասել է նա։
Այս տարվա փետրվարին Բոլիվիայում սահմանադրական փոփոխությունների հանրաքվե է տեղի ունեցել, որը թույլ կտար Մորալեսին 4-րդ անգամ առաջադրվել նախագահի պաշտոնի համար։ Սահմանադրական փոփոխությունների հակառակորդներն ստացել էին 51,3 տոկոս, իսկ կողմնակիցները՝ 48,7 տոկոս։
Հետևեք մեզ Viber-ում
