Եթե այդ խնդիրը չի լուծում, ապա դաշինքը աջակցում է գործող իշխանությանը. Պետրոս Մակեյան

Քաղաքացիական պայմանագիր, Լուսավոր Հայաստան ու Հանրապետություն կուսակցությունների դաշինքը գնահատում ենք նորմալ, բայց հաշվի առնելով Հայաստանում արմատացած ընտրական ավանդույթները եւ համակարգը, մասնավորապես, որ առ ոչինչ է դարձել ընտրությունն ու գործում է թվանկարչությունը, չի կարծում, թե դաշինքը կիրագործի հայտարարված նպատակը՝ այն է՝ իշխանափոխություն: Այս մասին մեզ հետ զրույցում կարծիք հայտնեց «Ժողովրդավարական հայրենիք» կուսակցության նախագահ Պետրոս Մակեյանը: Հիշեցնենք, որ մամուլը բազմաթիվ անգամներ գրել է, որ Պետրոս Մակեյանը նույնպես կանդամակցի այդ դաշինքին .<<Հայաստանում ընտրական համակարգը առոչինչ է ու կատարվում է թվանկարչություն:Այդպիսի դաշինքները չեն հաջողելու ընտրության միջոցով իշխանափոխություն իրականացնել: Այսպիսի դաշինքները լավագույն դեպքում 5 տոկոսը հաղթահարելու խնդիրներ են լուծում Մենք մեր կուսակցությունում քննարկել ենք ու եկել այն եզրահանգման, որ պետք է ստեղծվի մի այնպիսի ուժային կենտրոն, որը հնարավորություն կստեղծի իրավիճակ փոխել, հանրությանը ազդակներ հաղորդել եւ ուժային հստակ կենտորն ձեւավորել, որի դեպքում իրական գործընթացներ կընթանան՝ ուղղված իշխանափոխությանը: Այն, ինչ կատարվեց ձեր ասած եռյակի դեպքում, բավարար չէ իմ ասած խնդիրը լուծելու համար, անհրաժեշտ է, բայց ոչ բավարար>>,- ասաց Մակեյանը: Իսկ ինչ պետք է անի դաշինքը ուժային կենտրոնի վերածվելու ու իշխանափոխություն իրականացնելու համար հարցրեցինք.<<Կարծում եմ, որ էլի ուժեր  պետք է միանան, անհատներ, մտավորականներ, հայտնի մարդիկ ու դա վերածեն շարժման, հզոր շարժում, որը կբերի իշխանափոխության: Այլապես նման մի քանի դաշինքներ իրար դեմ կպայքարեն, որոնց մի մասը Սերժ Սարգսյանի բարի կոմքով պառլամենտ կմտնի>>: Հիշեցնենք, որ երեք ուժերի  կոալիցիոն համաձայնագրում նշվում է,որ իրենք բաց են ու կարող են այլ ուժեր եւս միանալ, անդրադառնալով այդ դրույթին, Մակեյանը նշեց, որ պետք է այդ ուժերը նախաձեռնողականություն ցուցաբերեն.<<Եթե իրենք սկսել են գործընթացը, ապա պետք է նախաձեռնեն այդ դաշինքի համալրման գործընթացը, շարունակեն այն: Եթե գաղափարական համախմբում են մասն գալիս, ապա Հայաստանում ոչ գաղափարական միավորման, եւ անգամ էչ էլ դաշինքների խնդիր կա, կա միայն ժողովդրին իշխանությունը վերադարձնելու խնդիր, նախաձեռնողները պետք է հասկանան, որ եթե այս խնդիրը չեն լուծում, աջակցում են գործող իշխանությանը>>, ասաց Մակեյանը: Անդրադառնալով Լլեւոն Տեր-Պետրոսյանի՝ ՀԱԿ ցուցակը գլխավորելու հայտարարությանը  եւ պատասխանելով մեր հարցին, թե առաջին նախագահը այս ընտրություններին կկարողանա լայն կոնսոլիդացիա ապահովել, ինչպես 2008-ին էր, Մակեյանը պատասխանեց.<<Կարծում եմ ՀԱԿ-ը մեկ փոքրիկ միավոր է, որը կարող է այդ ուժային կենտրոնի մասը կազմել, անկախ նրանից, թե ով կղեկավարի, թե չի ղեկավարի, մենք Գյումրիի եւ Վանաձորի ընտրություններին տեսանք, թե ինչ կշիռ ունի հիմա ՀԱԿ-ը, 1 տոկոսից էլ քիչ ձայներ եւ դա 8 տարվա <<աշխատանքի>> արդյունքն էր>>: Անի Սահակյան