Թրամփը Սպիտակ տան մամուլի խոսնակին «հիմար» է անվանել
ԱՄՆ-ի ընտրված նախագահ Դոնալդ Թրամփը «հիմար տղա» է անվանել Սպիտակ տան մամուլի քարտուղար Ջոշ Էռնեստին: Այս մասին հաղորդել է NBC News-ը:«Այդ հիմար տղան՝ Ջոշ Էռնեստը, չգիտեմ՝ նա խոսում է արդյոք նախագահ Օբամայի հետ։ Գիտեք՝ շատ կարևոր է ունենալ ճիշտ մամուլի քարտուղար, քանի որ Էռնեստը չի կարողանում տեղեկատվությունը ճիշտ փոխանցել։ Նա կարող է դրական ինչ-ոչ լուր այնպես հաղորդել, որ վատ հնչի»,-հայտարարել է Թրամփը Փենսիլվանիայում։ Դեկտեմբերի 14-ին Էռնեստը Թրամփին մեղադրել է, թե նա իմացել է Դեմոկրատական կուսակցության սերվերի վրա Ռուսաստանի կողմից իբր կազմակերպված հաքերական գրոհների մասին, հաղորդել է CNN-ը: Նրա խոսքով՝ ընտրված նախագահը «հավանաբար, իրազեկված Է եղել», որ Ռուսաստանը միջամտում է ընտրարշավին՝ վնաս հասցնելով իր ընդդիմախոսներին:
Հետևեք մեզ Viber-ում
