Օբաման և Էրդողանը հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Միացյալ Նահանգների նախագահ Բարաք Օբամայի հետ: Այս մասին տեղեկացնում է թուրքական «Անադոլու» գործակալությունը: Հեռախոսազրույցի ընթացքում կողմերը քննարկել են տարածաշրջանային զարգացումները` մասնավորապես անդրադառնալով Իրաքին և Սիրիային: Էրդողանն ու Օբաման ընդգծել են ահաբեկչության դեմ պայքարի անհրաժեշտությունը: «Նախագահ Օբաման շնորհակալություն է հայտնել նախագահ Էրդողանին՝ Հալեպում կրակի դադարեցմանը հասնելու ջանքերի համար, որպեսզի ապահովվի քաղաքը լքել ցանկացող զինյալների և խաղաղ բնակիչնեի անվտանգ տարհանումը՝ միջազգային հումանիտար կազմակերպությունների վերահսկողությամբ»,-ասվում է Սպիտակ տան կայքում հրապարակված հաղորդագրության մեջ։