Գրոհայիններին դուրս են մղել Հալեպի բոլոր թաղամասերից

Սիրիայի կառավարական զորքերը եւ աշխարհազորայիններն ավարտում են արեւելյան Հալեպը ահաբեկիչներից ազատագրելու գործողությունը։ Այս մասին ասել է ՌԴ Գլխավոր շտաբի օպերատիվ վարչության պետի տեղակալ գեներալ–լեյտենանտ Վիկտոր Պոզնիխիրը, հայտնում է «ՌԻԱ Նովոստի»–ն։ Ինչպես նշվում է՝  Հալեպ քաղաքից դուրս կգա 5 հազար զինյալ՝ իրենց ընտանիքներով:  Զինյալների տարհանման համար օգտագործվում է 20 ավտոբուս, 10 շտապօգնության մեքենա։ Նրանք հեռանում են Հալեպից նաև սեփական ավտոմեքենաներով, որոնց թիվը, ըստ Գերասիմովի, մոտ 100 է։ Մարտերի ժամանակ զորքերը ոչնչացրել են ավելի քան 900 ահաբեկչի եւ տասնյակ միավոր ծանր ռազմական տեխնիկա։ Ընդ որում, Պոզնիխիրը նշել է, որ ռուսական ավիացիան Հալեպի շրջանում չի գործել հոկտեմբերի 18-ից։