Անտոնիու Գուտերիշը երդմնակալել է/տեսանյութ/

BBC-ն հայտնում է,որ  Պորտուգալիայի նախկին վարչապետ Անտոնիու Գուտերիշը երդմնակալել է ՄԱԿ-ի 9-րդ գլխավոր քարտուղարի պաշտոնում,որը կսկսվի հունվարի 1-ից:  67-ամյա Գուտերիշը ՄԱԿ-ի գլխավոր քարտուղարի պաշտոնում կփոխարինի 72-ամյա Պան Գի Մունին, ով գլխավորում է կազմակերպությունը 2007 թվականի հունվարից։ «Կազմակերպությունը տասնամյակների ընթացքում նպաստել է Երկրի վրա խաղաղության պահպանմանը, սակայն հիմա դժվարությամբ է հաղթահարում այդ հանձնարարությունը։ ՄԱԿ-ը պետք է պատրաստ լինի փոփոխությունների։ Մեր ամենալուրջ թերությունը, և այստեղ ես նկատի ունեմ ողջ միջազգային հանրությունը, ճգնաժամերը կանխել չկարողանալն է։ ՄԱԿ-ը ծնվել է պատերազմի ընթացքում, այսօր մենք պետք է այստեղ լինենք խաղաղության համար»,-ասել է նա։ Նա երդում է տվել ծառայել կազմակերպության, այլ ոչ թե առանձին երկրների շահերին։ Հոկտեմբերին նոր գլխավոր քարտուղարը հայտարարել էր, որ իր առաջնահերթությունն այդ պաշտոնում կդառնա Սիրիայում ռազմական հակամարտության ավարտը։