Մալարիան սուր խնդիր է մնում

TASS գործակալությունը փոխանցում է,որ  մալարիան սուր խնդիր է մնում մարդկության համար, հատկապես Սահարայից հարավ ընկած աֆրիկյան տարածքներում։ 2015 թվականի մալարիայով հիվանդների թիվը կազմել է 212 մլն, 449 հազար մարդ մահացել է։ Նման տվյալներ են ներկայացված Ժնևում հրապարակված՝ այդ հիվանդության դեմ պայքարի մասին ԱՀԿ ամենամյա զեկույցում: «Սահարայից հարավ ընկած աֆրիկյան տարածքներին բաժին է ընկնում մալարիայի գլոբալ բեռի անհամեմատ մեծ մասնաբաժին։ 2015 թվականին տարածաշրջանում գրանցվել է այդ իվանդության 90 տոկոս դեպք և դրանից մահվան 92 տոկոս դեպք։ Հատկապես խոցելի են մինչև 5 տարեկան երեխաները, նրանց բաժին է ընկնում, փորձագետների գնահատականներով՝ մալարիայից մահվան բոլոր դեպքերի մոտ 70 տոկոսը:Բնակչության 43 տոկոսը չի օգտագործում մոծակների դեմ պաշտպանիչ ցանցեր ու այլ միջոցներ»,-ասովում է հայտարարությունում։ 2015 թվականին հիվանդության դեմ պայքարին հատկացվել է 2.9 մլրդ դոլար, ինչը կազմում է մինչև 2020 թվականն այդ միջոցները 6.4 մլդ դոլարի հասնելու նախանշված նպատակի ընդամենը 45 տոկոսը։