Նախարարը Հայաստանում ապրանքների թանկացման մասին

Հայաստանում ապրանքների թանկացում չի դիտարկվում: Այդ մասին փետրվարի 3-ին խորհրդարանում կառավարության ժամի ընթացքում հայտնել է Հայաստանի փոխվարչապետ, միջազգային տնտեսական ինտեգրացիայի եւ բարեփոխումների նախարար Վաչե Գաբրիելյանը: Նա հիշեցրել է, որ 2015-ի դեկտեմբերին հանրապետությունում 12 ամսվա ինֆլյացիան բացասական էր (0,1% դեֆլյացիա), իսկ տարվա ընթացքում միջին ինֆլյացիան կազմել է 3,4%: Սակայն անհրաժեշտ է նշել, որ աճը վերաբերում է միայն ծառայություններին, իսկ ապրանքները չեն թանկացել: Ավելին, ներմուծվող ապրանքները, հատկապես` ռուսականները, էժանանում են տարադրամի փոխարժեքի պատճառով: Նա հիշեցրել է, որ վարչապետի հանձնարարությամբ հետազոտվել են առաջին անհրաժեշտության ապրանքների, այդ թվում` դեղամիջոցների գները: Բայց մեծ կամ անհիմն թանկացումներ այստեղ եւս չեն հայտնաբերվել, հավելել է փոխվարչապետը: