Արսինե Խանջյան. «Իրողությունն այն է, որ դրսում բացարձակ հետաքրքրություն չկա Հայաստանի նկատմամբ»

«Սփյուռքի եւ ՀՀ հայտնի հայերը՝ հանուն ժողովրդավարության եւ թափանցիկ ընտրությունների. «Արդարություն Հայաստանում» նախաձեռնության առաջիկա քայլերը» թեմայով քննարկումից հետո կանադահայ դերասանուհի Արսինե Խանջյանը պատասխանեց «Հրապարակի» հարցերին։ – Արտերկրում ի՞նչ պատկերացումներ են ձեւավորվել Հայաստանի մասին։ – Իրողությունն այն է, որ դրսում բացարձակ հետաքրքրություն չկա Հայաստանի նկատմամբ, ցավոք սրտի։ Եթե իսկապես այդ հետաքրքրությունն ըլլար, չէր կրնա, որ մենք տնտեսական եւ քաղաքական էսպիսի պայմաններու մեջ գտնվեինք։ Դուրսի ուշադրությունը միայն մեկ երկրե կուգա Հայաստանի վրա, ձեզի շատ ծանոթ է այդ երկիրը, դուք կապրիք մի քանի դարեր այդ երկրի ուշադրության շուքին տակ։ Սփյուռքի ուշադրությունը Հայաստանի հանդեպ շատ կարեւոր է, եւ Հայաստանը պետք է նկատի առնի, որ Սփյուռքի ուշադրությունը մեծ, օգտակար առիթ մըն է, որ օգտագործվի։ Անոր համար է, որ արձագանքը դուրսեն կուգա՝ կա՛մ Ռուսաստանեն, կա՛մ Սփյուռքեն։ – Մենք միայն ՌԴ–ի՞ համար ենք հետաքրքրություն ներկայացնում։ – Ըստ երեւույթին։ Կարծեմ՝ իշխանությունն ալ կփորձե այդ հետաքրքրությունը մշակել հատկապես՝ անտեսելով ունենալ 10 միլիոն Սփյուռք, եթե ոչ ավելին, որ կրնա տարբեր, տարբեր ներկայացնել Հայաստանին, որ Հայաստանի ապագան դառնա տարբեր եւ ինքնորոշ ապագա դառնա։ Բայց այդ հարաբերությունը տակավին այնքան խզված է, որ Հայաստանը գնում է միայն մեկ իրողության շուքին տակ։ Հոդվածն ամբողջությամբ կարող եք կարդալ «Հրապարակ» թերթի այսօրվա համարում