Վիրուսը մահացու չէ, այլ վտանգավոր են դրա բարդացումները. Ինչպիսին է գրիպով պայմանավորված իրավիճակը

ԱԺ-ում կառավարության հետ հարց ու պատասխանի ժամանակ ԱԺ ԲՀԿ խմբակցության պատգամավոր Վահե Էնֆիաջյանը հարց ուղղեց առողջապահության նախարարին վիրուսային H1N1 վիրուսի մասին: Առողջապահության նախարար Արմեն Մուրադյանը նշեց, որ ամեն տարի այս ժամանակահատվածում լինում է նման վիճակ սուր շնչառական հիվանդությունների հետ կապված,իսկ H1N1 վիրուսը կա 2009թ-ից, և որ կան երկրներ, որտեղ ավելի բացասական պատկեր է արձանագրվել: Սակայն նախարարությունը պատշաճ իրականացրել է գրեթե բոլոր կանխարգելիչ միջոցառումները, այն է՝ հեռուստատեսային կանխարգելիչ տեղեկատվական հաղորդումներ, անհրաժեշտ դեղորայքային ապահովվածություն, իսկ արագ արձագանքման խումբն աշխատել է առանց արձակուրդների: Նախարարը նշեց, որ 3300-ից ավելի հիվանդ հոսպիտալային օգնություն է ստացել: «Ինքը իրենով վիրուսը մահացու չէ, այլ վտանգավոր են դրա բարդացումները, եթե մանավանդ կան ուղեկցող հիվանդույթուններ, թոքաբորբ, շաքարային դիաբետ, սիրտ անոթային հիվանդությւոններ: Այս պահին նկատվում է հիվանդության նվազում, 570 հիվանդ կա հիվանդանոցում»,- ասաց նախարարը: