ԲՀԿ-ում ընտրություններին դաշինքով կմասնակցի՞
««Բարգավաճ Հայաստան» կուսակցությունը շատ ակտիվ մասնակցելու ենք առաջիկա խորհրդարանական ընտրություններն: Այսօրվանից սկսած՝ ԲՀԿ քաղաքական խորհրդի ներկայացուցիչները, «Բարգավաճ Հայաստան» խմբակցության պատգամավորները, ավագանու ներկայացուցիչները, տարածքային կառույցի ղեկավարները Հայաստանի Հանրապետության բոլոր քաղաքներում, գյուղական համայնքներում լինելու են, շփվելու են ոչ միայն կուսակցության ներկայացուցիչների, այլ, առհասարակ, մեր երկրի քաղաքացիների հետ, լսելու են նրանց կարծիքը, նրանց ծրագրերը, մոտեցումները, ինչպիսի առաջարկություններ նրանք ունեն», - լրագրողների հետ հանդիպմանն ասաց ԲՀԿ խմբակցության քարտուղար Վահէ Էնֆիաջյանը: «Կուսակցությունում չենք քննարկել ընտրություններին դաշինքով մասնակցելու հարցը:Բայց մենք ընդդիմադիր քաղաքական ուժերի հետ համատեղ կարող ենք ընտրությունների օրը ամեն ինչ անել, որպեսզի օրենքի տառին համահունչ ընտրություններ անցկացնենք», - ընդգծեց Վ. Էնֆիաջյանը:
Հետևեք մեզ Viber-ում
