«Պուտինն Ալիևին հուշում է՝ մի՛ ակտիվացիր, մենք Հայաստանում ենք, համատեղ բան ունենք». Արամ Կարապետյան

Մոսկվայում հայ-ռուսական միավորված զորախմբի վերաբերյալ ստորագրված համաձայնագիրը դարձել է հանրային լայն քննարկումների առարկա: Հիշեցնենք՝ Հայաստանի և Ռուսաստանի պաշտպանության նախարարներ Վիգեն Սարգսյանն ու Սերգեյ Շոյգուն Մոսկվայում ստորագրել են Կովկասյան անվտանգության տարածաշրջանում երկու երկրների միացյալ զորախմբի մասին համաձայնագիրը, որի մեջ կմտնեն Հայաստանում տեղակայված ռուսական 102-րդ ռազմաբազան և Հայաստանի զինված ուժերի ստորաբաժանումները։ Թեմայի շուրջ Hayeli.am-ը զրուցեց «Նոր Ժամանակներ» կուսակցության նախագահ Արամ Կարապետյանի հետ: _Պարոն Կարապետյան, արդյոք մեր երկու երկրների միջև այն ծավալի ռազմական համագործակցությունը, որն առկա էր, չէր ապահովում մեր ավտանգությունն, ինչով է պայմանավորված հայ-ռուսական միավորված զորախմբի վերաբերյալ այս վերջին համաձայնագրի ստորագրումը: -Այո՛ առկա ռազմական համագործակցությունը ապահովում էր մեր անվտանգությունը: Բայց քանի դեռ մինչև վերջ մենք տեղեկատվություն չենք ստանում նոր ստորագրված համաձայնագրի մասին, չենք կարող ասել կարիքը կար, թե ոչ:Գեոքաղաքական առումով, այո՛, այդ զորախմբի կարիքը կար, քանի որ Թրամփն ԱՄՆ-ում ընտրվեց նախագահ, և սպասվում են մեզ համար ոչ ընդունելի տեսակետներ: Ադրբեջանում հնչում են կարծիքներ, որ ԱՄՆ-ն այնպիսի նախագահ ունի, որ նրանից սպասելի են ոչ հայանպաստ որոշումներ: Բացի այս, Ադրբեջանը սկսեց լայնամաշստաբ զորավարություններ և  ակտիվորեն ռմբակոծում է հայկական դիրքերը: Այս ամենին Ռուսաստանն, իհարկե, պետք է պատասխաներ: Պուտինը թարմացրեց Ալիևի հիշողությունը. ասեց, այ տղա, մենք համատեղ բան ունենք այնտեղ: Ադրբեջանի կողմից նոր ագրեսիա սկսեց, հատկապես, երբ մենք ցույց տվեցինք Իսկանդերը: Կար նաև ռուսաական կողմից լուրջ արտահոսք մեզ տրվող զինատեսակների և տանկերի մասին: Եվ այս ամենով Պուտինն Ալիևին հուշում է՝  մի՛ ակտիվացիր, մենք Հայաստանում ենք: -Ստացվում է՝ Ռուսաստանն արցախյան հարցի լուծման համար և Հայաստանում ավելի մեծ հնարավորություններ և ներգրավվածություն կունենա՞: -Չեմ կարծում.  Ռուսաստանի՝ աշխարհում ամենամեծ ռազմաբազան Հայաստանում է,  և ՀՀ-ում իր ռազմական ներկայությունն ավելացնելու խնդիր չունի: Սա գեոքաղաքական խնդիր է, որից բացի ինձ համար հարց է մնում, արդյոք այս միացյալ զորախումբը մասնակցելու է հայաստանյան ներքին կյանքին, եթե, օրինակ ժողովուրդը դիմի հեղափոխության, ինչ է լինելու: Սահմանադրությամբ գրված է, որ բանակը չպետք է մասնակցի երկրի ներքին կյանքին, բայց նախորդ պաշտպանության նախարարի պարագայում մենք տեսանք, որ լավ էլ ակտիվ մասնակցում է: -Քանի որ մեզ համար չի հստակեցվում, թե հայկական որ ստորաբաժանումն է ընդգրկվելու խմբավորման մեջ, ով է լինելու հրամանատարը ռազմական գործողությունների ժամանակ, վտանգ չկա՞, որ  հայկական կողմի շահերը երբեմն կստորադասվեն ռուսական կողմի շահերին: -Ես որևէ վտանք չեմ տեսնում, մեր շահերը չեն ստորադասվի, զորախումբը նորություն չէ, պարզապես որոշակի փոփոխություններ են եղել, ավելի գործնական քայլերի են դիմել: Ես միացյալ զորախմբի կազմավորումը դրական եմ գնահատում. դա բավականաչափ լուրջ և վատ արձագանք է գտել Ադրբեջանում: Հայաստանի դեմ ցանկացած լուրջ ռազմական ագրեսիայի ժամանակ հնարավոր է՝ լինի այն,  ինչ եղավ Օսեթիայում:Այ եթե մեր պաշտպանության նախարարությունը հրատապ բացատրեր օրինակ՝ ով է լինելու հրամանատարը, որոշումներն ինչպես են իրականացվելու, հատատեղ զորքերն օգտագործվելու են  ՀՀ ներքին կյանքում, թե ոչ, որպես խաղաղապահ ուժեր կծառայեն, օրինակ, Սիրայում, նմանատիպ  խժդժությունները չէին լինի: -ՌԴ նախագահի հրամանագրերից մեկի համաձայն՝ Ռուսաստանի ռազմական համագործակցության վերաբերյալ տեղեկատվությունն այսուհետ համարվելու է գաղտնի, գուցե այս լռությունը դրանով է պայմանվորված: -Մեզանում մի տարածված երևույթ կա, ինչ լինում է, ասում են՝ ռուսն է մեղավոր, իսկ, այն  ինչ անում է Ռուսաստանն  իր գործն է, իսկ որպես քաղաքագետ, կարծում եմ, որ ճիշտ չի անում. ինչու փակել մի բան,  որը մինչև հիմա բոլորի համար բաց է եղել: Հարցազրույցն՝ Աղավնի Սուքիասյանի