«Եթե մենք ստվերը չբերենք սպիտակ դաշտ, մենք ապագա չունենք». վարչապետ
Եթե մենք ստվերը չբերենք սպիտակ դաշտ, մենք ապագա չենք ունենա: Այս մասին այսօր Հայկական բարեգործական ընդհանուր միության (ՀԲԸՄ) կազմակերպած քննարկման ժամանակ տեղեկացրեց ՀՀ վարչապետ Կարեն Կարապետյանը։ «Մենք կարճաժամկետ ծրագիր ներկայացրել ենք, որպեսզի հնարավոր օպոնենտները չասեն՝ ի՞նչ գիտեք 2017թ. ապրիլից հետո Դուք կլինե՞ք, թե՞ ոչ»,- ասաց նա։ Վարչապետը նշել է, թե կառավարությունում այս պահին ամփոփում են բոլոր ծրագրերը. «Կառավարության առաջնահերթ խնդիրներից մեկն է արդար, հավասար մրցունակ դաշտ ստեղծելը: Այս պահին միայն դա բավարա՞ր է, որ մեր տնտեսություն ուժեղանա: Ոչ այնքան: Մենք պատրաստ ենք մեր վրա վերցնել որոշակի խթանողի դերակատարում, որ բիզնեսն աշխուժանա, ոգեւորվի եւ հավատա»: Հարկային ոլորտում բարեփոխումները Կ.Կարապետյանը չբացառեց. «Կարծում եմ՝ պարզեցման խնդիր կա։ Մենք հարկային օրենսգիրք ընդունել ենք վերջերս և հասկանում ենք, որ ոչ բոլորի կողմից է դա ընդունելի և հասկանում ենք դժգոհությունը, որ ասում են՝ սպիտակ դաշտի հարկը բարձրացնում եք, բայց ստվերին ձեռք չեք տալիս։ Բայց եթե մենք ստվերը չբերենք սպիտակ դաշտ, մենք ապագա չունենք։ Այդ իսկ պատճառով, երբ լսենք բիզնեսին, մենք դա չենք բացառում»։
Հետևեք մեզ Viber-ում
