Սկսվել են մեր մոլորակի համար ամենավտանգավոր ժամանակները. Հոքինգ
Բրիտանացի ֆիզիկոս-տեսաբան Սթիվեն Հոքինգը ենթադրում է, որ սկսվել են «մեր մոլորակի համար ամենավտանգավոր ժամանակները»։ Գիտնականի՝ այս վերտառությամբ սյունակը հրապարակել է The Guardian պարբերականը։ Մասնավորապես, ֆիզիկոս-տեսաբանը մատնանշում է, որ ժամանակակից տեխնոլոգիաները, որոնք ուղղված են արտադրության ռոբոտացմանը, աշխատակիցների թվաքանակի նվազմանը, ուժեղացրել են հասարակությունում առկա անդունդը։ «Գործարանների ավտոմատացումն արդեն սպառնում է ավանդական արտադրությունում աշխատատեղերին, իսկ արհեստական ինտելեկտի վերելքը, հավանաբար, կընդլայնի այդ աշխատանքն ու ավելի կխորացնի միջին դասի քայքայումը։ Կմնան միայն ամենահոգատար (խնամակալներ, սոցաշխատողներ), ստեղծագործական կամ վերահսկիչ ծառայությունները»,- ասում է գիտնականը։ Նրա խոսքով՝ քանի որ որոշ մարդիկ չեն ընդունում ժամանակակից հասարակության փոփոխությունները, ուստի ԱՄՆ-ում նախագահական ընտրություններն ու Մեծ Բրիտանիայում Brexit-ի քվեարկությունն այդպիսի արդյունքներ արձանագրեցին։
Հետևեք մեզ Viber-ում
