Օլանդը չի առաջադրվի
«Интерфакс»-ը փոխանցում է ,որ Ֆրանսիայի գործող նախագահ Ֆրանսուա Օլանդն իր թեկնածությունը չի առջադրի 2017 թվականի նախագահի ընտրություններում: «Ես որոշեցի չառաջադրել թեկնածությունս:Հստակ պատկերացնում եմ իրավիճակը, այս որոշումը կայացրել եմ ամենայն պատասխանատվությամբ. խոսքը «ոչ թե անձի, այլ երկրի ապագայի մասին է»», - Ելիսեյան պալատից TF1 հեռուստաալիքով ուղիղ հեռարձակման ժամանակ ասել է Օլանդը: Օլանդի այս հայտարարությանը նախորդել է որոշումների թվարկումը, որը նա մեծ ծառայություններ է համարում Ֆրանսիայի համար: Դրանց թվում են, նրա կարծիքով, ֆրանսիական սոցիալական մոդելի կատարելագործումը, կլիմայական փոփոխությունների դեմ պայքարում Ֆրանսիայի առաջատար դերը, դպրոցական կրթության բարելավումը, ժողովրդավարական ազատությունների ամրապնդումը, գենդերային հավասարությունների ամրապնդումը, խտրականության դեմ պայքարը:
Հետևեք մեզ Viber-ում
