Ի՞նչ կապ ունի՝ հորդ ես շատ սիրում, թե մորդ
«Հայաստանի Հանրապետության կառավարության և Ասիական զարգացման բանկի միջև 2015 թվականի հոկտեմբերի 13-ին ստորագրած քաղաքային կայուն զարգացման ներդրումային ծրագիր երկուսի վերաբերյալ» վարկային համաձայնագրի քննարկման ժամանակ իր արտահերթ ելույթում Շարմազանովն ասաց, թե ընդդիմադիր գործիչները դուրս են հանում հարցի քննարկումը սահմանագծից: «Որևէ մեկը էության մասին չի խոսում, խոսում են, թե վարկ վերցնելը վատ բան է, հետո ասում են, թե սա վնասում է մարզերի համաչափ զարգացմանը, որ իրենք իբր թե մարզերի իրավունքների պաշտպան են ու մարզերում որ վիճակը վատ է, մայրաքաղաքն է մեղավոր:Բաժանումներ չանել՝ ալավերդցի, երևանցի, գյումրեցի Ես Ալավերդուց եմ, բայց այո, Հայաստանի աչքի լույսը մայրաքաղաք Երևանն է: Մեր բոլորիս աչքի լույսն է Երևանը, ու չի կարելի հակադրել Երևանի ծրագրերը մարզային ծրագրերի հետ»,- նշեց ԱԺ փոխնախագահը: Երևանը սպասարկում է բոլորին, մարզից եկած ուսանողներին, զբոսաշրջիկներին և այլոց, ապա վտանգավոր համարեց գավառական մտածելակերպը, երբ հակադրվում է մայրաքաղաքի շահը մարզային շահերի հետ,-ասաց նա: «Ի՞նչ կապ ունի՝ հորդ ես շատ սիրում, թե մորդ: Էս մանկական պրիմիտիվ բանի հետևից ենք ընկե՞լ… Գուցե բավարար չեն մարզային ծրագրերը, եկեք դրանից խոսենք, բայց չհակադրենք: Այնպես չէ, որ մարզերում որևէ ծրագիր չի արվել»,- նշեց Էդուարդ Շարմազանովը:
Հետևեք մեզ Viber-ում
