Ավտովթար՝ Թբիլիսիում. Հայաստանի քաղաքացիներ են հոսպիտալացվել

ՀՀ արտակարգ իրավիճակների նախարարություն դեկտեմբերի 1-ին, ժամը 09.59-ին Վրաստանի Հանրապետության ՆԳՆ ԱԻ դեպարտամենտից տեղեկատվություն է ստացվել, որ ս.թ. նոյեմբերի 30-ին ժամը 17.38-ի սահմաններում Թբիլիսի քաղաքի Չոլոյաշվիլի փողոցում տեղի է ունեցել ճանապարհատրանսպորտային պատահար.տեղեկացնում է  ՀՀ արտակարգ իրավիճակների նախարարության կայքը։ ՃՏՊ-ի հետևանքով ՀՀ քաղաքացիներ՝ 1983 թ. ծնված Արտավազդ Ս.-ը  1978 թ. ծնված Արման Հ.-ը,  1986 թ. ծնված Էդգար Ս.-ը հոսպիտալացվել են Թբիլիսի քաղաքի ԲԿ (կլինիկան չի հաջողվել պարզել)։ Բժիշկները Արտավազդ Ս.-ի և Էդգար Ս.-ի առողջական վիճակը գնահատել են բավարար, իսկ Արման Հ.-ը, ստանալով առաջին բուժօգնություն, դուրս է գրվել: