ԵԽԽՎ-ում Հայաստանը պարտվել է. Զուրաբյանը մանրամասնեց
«Մեր հասարակությանը հետաքրքրում է, թե ի՞նչ է իրականում կատարվել ԵԽԽՎ-ում: Սա իրականում դիվանագիտական տեխնիկայի հետ է կապված: Բայց պետք է հասկանանք, որ այն ինչը կատարվեց Ստրասբուրգում ձախողում էր,ինչպես պնդում եմ ես, թե՞ դիվանագիտական հաղթանակ, ինչպես պնդում են իշխանությունները»,-երեկ ԱԺ-ում հրավիրված ասուլիսի ժամանակ հայտարարեց ԱԺ ՀԱԿ խմբակցության պատգամավոր Լևոն Զուրաբյանը: Զուրաբյանը մանրամասնորեն ներկայացրեց ստեղծված իրավիճակը, պնդելով , որ ադրբեջանական քարոզչամեքենան փորձում է հաղթել իրականությանը և ձախողումը չընդունելը և սխալ որակավորումներ տալը բավականին վտանգավոր իրավիճակ է ձևավորում: Զուրաբյանը փաստեց, որ եթե կան գրավյալ տարածքներ, ապա դրանք գրավել են ԼՂՀ կողմից՝ հակամարտության ժամանակ, այլապես հենց այն ժամանակ Հայաստանը կորակվեր, որպես ագրեսոր: Զուրաբյանը փաստում է, որ 90-ականների դիվանագիտությունը հասել է այն արդյունքին, որ Ղարաբաղը ճանաչվի, որպես հակամարտության լիարժեք կողմ և մասնակցի բանակցություններին: Նրա խոսքով՝ Հայաստանը առաջին ձախողումը կրել է 2005 թվականին: Զուրաբյանի փոխանցմամբ՝ ԵԽԽՎ հայտնի նստաշրջանի ժամանակ Հայաստանը կրկնակի ձախողում է ունեցել: «Բանաձևը ,որ ընդունվել է՝ Մարկովիչի բանաձևը, դա մեկ քայլ առաջ է Ադրբեջանի համար և մեկ քայլ հետ է Հայաստանի համա»,-նկատեց Լևուն Զուրաբյանը: «Երկու ներկայացված փաստաթղթերի մեջ երկու վտանգավոր բան կար: Երկու փաստաթղթերում էլ Ղարաբաղը ոակվում էր որպես ագրեստոր: Վոլտերի բանաձևում առաջարկվում էր ԼՂՀ հակամարտության լուծման այլընտրանքային տարբերակ,, որը շատ ավելի վտանգավոր է», -նշեց ՀԱԿ խմբակցության ղեկավարը, հավելելով.»Սա վտանգավոր էր նրանով, որ եթե Ադրբեջանը գիտի, որ ԵԽԽՎ-ն առաջարկում է մեկ այլ պլան, որը ավելի նպաստավոր է, այդ դեպքում ադրբեջանի ախորժակը բացվում է և նա շահագրգիռ չէ բակակցային այս ֆորմատին մասնակցելու համար: Ըստ էության խախտվում էր Մինսկի խմբի բանակցությունների ֆորմատը և խախտվում էր Մինսկի խմբի բանակցությունների համանախագահների մանդատները: Ըստ էության Մինսկի խմբի համանախագահները տեր են կանգնել իրենց մանդատներին: Որովհետև այդ բանակցությունները խախտելու դեպքում մի շարք վտանգներ էին ծնվում, մինչև ռազմական գործողությունների վերսկսում»: Լևոն Զուրաբյանը մասնավորապես ընդգծեց, որ քննարկումից առաջ Մինսկի խմբի համանախագահները արեցին շատ կոշտ հայտարարություն: Նրանք հասկացրին ԵԽԽՎ-ին, որ եթե այդ բանաձևը ընդունվի խախտվում է բանակցությունների ֆորմատը: Զուրաբյանը շարունակում է պնդել, որ Հայաստանը կշահի այն դեպքում, երբ ընդունի իր սխալները: Նա պատվիրակության անդամների աշխատանքը թերի է գնահատում: Աստղիկ Ավագյան
Հետևեք մեզ Viber-ում
