Ինչ է կատարվել ինքնաթիռում՝ օդաչուները դատարկել են բենզաբակերը
Կոլումբիայում վթարի ենթարկված օդանավի օդաչուներն ամեն ինչ արել են ուղեւորների կյանքը փրկելու համար, հայտնում են տեղական լրատվամիջոցները: Պարզվում է, որ վթարից առաջ շարքից դուրս է եկել ինքնաթիռի էլեկտրական համակարգը: Ըստ մասնագետների, օդաչուները զգալով մոտալուտ աղետը, դատարկել են ինքնաթիռի բենզաբակերը, որպեսզի վայր ընկնելիս այն չպայթի: Հիշեցնենք, որ անցած գիշերը կոլումբիական Մեդելյին քաղաքից 50 կմ հեռավորության վրա վթարի է ենթարկվել բրազիլական «Շապեկոենսե» ֆուտբոլային թիմին տեղափոխող ինքնաթիռը: Ըստ վերջին տվյալների, 72 ուղեւորներից եւ անձնակազմի 9 անդամներից ողջ են մնացել 15-ը: Նրանցից երեքը թիմի ֆուտբոլիստներ են: Ըստ վերջին տվյալների, ինքաթիռում եղել են ֆուտբոլային ակումբի 8 ղեկավարներ, 22 ֆուտբոլիստ, 22 մարզական լրագրողներ եւ երկրպագուներ: Եղանակային բարդ պայմանների պատճառով Կոլումբիայի ռազմաօդային ուժերը չեն կարողանում օգնություն ցույց տալ օդից:
Հետևեք մեզ Viber-ում
