ԱԺ-ն ընդունեց «Կուսակցությունների մասին» օրենքի նախագծի փոփոխությունները
Հ Ազգային ժողովը քիչ առաջ կողմ քվեարկեց «Մարդու իրավունքների պաշտպանի» մասին օրենքի նախագծին 106 կողմ, 1 ձեռնպահ և 1 դեմ ձայների հարաբերակցությամբ: Իսկ 99 կողմ, 1 դեմ և 3 ձեռնպահ քվեարկությամբ ընդունվեց «Կուսակցությունների մասին» օրենքի նախագիծը:
Նշենք, որ գործող օրենքով՝ գրանցման պահին կուսակցությունը պետք է ունենա 200 անդամ, այնուհետև վեց ամսվա ընթացքում անդամների թիվը պետք է հասնի 2000-ի: Նոր նախագծով առաջարկվում է, որ կուսակցության պետական գրանցման համար հիմնադիր անդամների թիվը պետք է լինի 1000 հոգի, որոնք պետք է ներկայացնեն Երևան քաղաքը կամ ՀՀ մարզերի առնվազն 1/3-ը կամ Երևան քաղաքի և Հայաստանի մարզերի առնվազն 1/3-ը: Կուսակցություն հիմնադրելու և անդամակցելու արգելքները վերաբերում են դատավորներին, դատախազներին, քննիչներին:
Իրենց լիազորությունների իրականացման ընթացքում կուսակցության անդամ չեն կարող լինել Հանրապետության նախագահը, ՄԻՊ-ը, ԿԸՀ անդամները, Հեռուստատեսության և ռադիոյի հանձնաժողովի անդամները, Հաշվեքննիչ պալատի անդամները, ԿԲ խորհրդի անդամները: Նախատեսվում են կուսակցության պետական գրանցման մերժման, կուսակցության գործունեության կասեցման հիմքերը: Նախատեսվում է, որ նախագծի ընդունումը կխրախուսի բազմակուսակցական համակարգի հետագա զարգացումը, իսկ օրենքը կհամապատասխանեցվի ՀՀ Սահմանադրությանը:
Փայլակ Ֆահրադյան
Հետևեք մեզ Viber-ում
