Նաիրա Զոհրաբյանի ու Արփինե Հովհաննիսյանի «մինի բանավեճը»
Այսօր Ազգային ժողովի արտահերթ նիստում «Կուսակցությունների մասին» օրենքի նախագծի քննարկման ժամանակ ասաց ԲՀԿ ղեկավար Նաիրա Զոհրաբյանը, դիմելով Արդարադատության նախարար Արփինե Հովհաննիսյանին, նշեց, որ ինքը անհրաժեշտ փոփոխություններ չի տեսնում:«Հայկազյան և Սուքիասյան բառարանում էլ հապավում չկա, որի անունով կուսակցություն ստեղծեն։ Սա նորմալ բան չէ։ 79-ից առնվազ 70-ը մարդ-կուսակցություններ են, որոնց գոյության մասին մենք իմանում ենք միայն այն ժամանակ, երբ ընտրություն է, պետք է գնան որևէ խոշոր կուսակցությանը կցվեն՝ փող ուզելու և տվյալ կուսակցությանը սատարելու համար։ Ես դեմ չեմ լիբերալացմանը, բայց եթե մենք գնում ենք կուսակցական քաղաքական համակարգի կայացմանը, էս աջաբսանդալը բերելու է շատ ավելի վատ հետևանքների»,-ասաց տիկին Զոհրաբյանը։ Ինչպես փաստեց՝ «Կուսակցությունների մասին» օրենքում կուսակցությունների անդամները, որոնք ՀՀ պետական և տեղական ինքնակառավարման մարմիններում պաշտոններ են զբաղեցնում, իրավունք չունեն իրենց ծառայողական, պաշտոնական դիրքն օգտագործել՝ հօգուտ կուսակցության շահերի:«Ո՞նց եք պայքարելու մի բանի դեմ, երբ ԺԵԿ-ի պետից բռնած մինչև ամենավերջին պաշտոնյան, օրինակ եմ բերում, մինչև համագումարյան ժամանակաշրջանը, 7000 մարդու իրենց կամքից հակառակ մտցնեն կուսակցություն»,- հարցրեց Նաիրա Զոհրաբյանը: ԲՀԿ խմբակցության ղեկավարի համոզմամբ՝ ՀՀԿ համագումարի նախօրեին 7000 մարդ ստիպողաբար է մտցվել այդ կուսակցություն:
Հետևեք մեզ Viber-ում
