Բաշկիրիայում բախվել են երեխաների տեղափոխող ավտոբուսն ու մարդատար ավտոմեքենան. կա զոհ

Ավտոբուսը, որով Բաշկիրիայում կայացած մարզական մրցումներից երեխաները վերադառնալիս են եղել Պերմ, բախվել է մարդատար ավտոմեքենայի հետ: Ինչպես տեղեկացնում է РИА Новости-ն` վկայակոչելով տարածաշրջանի գլխավոր պետավտոտեսուչին, վթարի պատճառով մեկ մարդ զոհվել է, մեկը վիրավորվել: Նրա տվյալներով` վթարը տեղի է ունեցել 16:00-ին (երևանյան ժամանակով) Բաշկիրիայում: Բախվել են Setra ավտոբուսն ու Renault Twingo մակնիշի ավտոմեքենան: «Ավտոբուսի սրահում 30 մարդ է գտնվել, որոնցից 21-ը` երեխաներ և դեռահասներ: Նրանք վերադառնալիս են եղել Բաշկիրիայի երկրորդ խոշորագույն քաղաքում` Ստերլիտամակում, անցկացվող մրցումներից: Ուղևորատար մեքենայում ամուսիններ են եղել: 1964 թվականի ծնված ուղևորուհին ստացված վնասվածքների պատճառով մահացել է, վարորդին տեղափոխել են հիվանդանոց», - ասվում է պետավտոտեսուչի հաղորդագրության մեջ: Երեխանները չեն տուժել: Դեպքի վայրում աշխատում են ոստիկանության աշխատակիցները: